Mbyllja e shkollave në Skrapar, Kryebashkiaku letër Ramës: Vijeni veten në vendin tonë

Pas ankesës së drejtuar ndërkombëtarëve pak ditë më parë, Kreu i Bashkisë, Skrapar, Nesim Spahiu ka paraqitur ankesën për mbylljen e institucioneve në këtë qytet tek kryeministri  Edi Rama. Përmes një shkrese të nënshkruar nga i gjithë stafi i kësaj bashkie kryeministrit i paraqitet shqetësimi i bllokimit të buxhetit për vitin 2019, gjë e cila ka penguar vazhdimësinë e punës së institucioneve në ktëtë qytet.

Dy ditë më parë Spahiu iu drejtua përfaqësive së ndërkombëtarëve në Shqipëri lidhur me situatën e bllokimit të buxhetit për Bashkinë Skrapar gjë që ka pezulluar dhe punën e institucioneve në këtë qytet.

Ndërkohë që rreth një javë më parë Kryetari i Bashkisë së Skraparit, në një deklaratë për mediat njoftoi se institucionet e këtij qyteti do të mbyllen pasi nuk ka buxhet. Në daklaratën e tij ai theskoi se më 14 dhjetor gjatë një mbledhje në këshillin bashkiak Skrapar nuk u miratua buxheti dhe kjo solli paralizim të funksionalizimit të administratës dhe institucioneve publike. 

Pas kësaj deklarate erdhi edhe reagimi i grupit të këshilltarëve socialistë të Bashkisë së Skraparit.

Sipas tyre buxheti u miratua me 10 vota nga 15 anëtarë që përbëjnë këshillin, por vendimet pasi u zbardhën nga Sekretaria e Këshillit, u firmosën nga Kryetari i Këshillit dhe nuk u vulosën nga Kryetari i Bashkisë i zgjedhur nga LSI. 

TAG:
• skrapar