Një i ri 22-vjeçar humbi jetën sot në lumin Mat pranë Shkopetit në zonën e Kurbinit, teksa po lahej bashkë me disa kushërinj.

Sipas informacioneve nga gazetari i Lezhës për Report Tv, Elvis Hila, i mbyturi quhet Klajdi Elezi, 22 vjeç, me banim në Skuraj, i cili ishte futur për t’u larë së bashku me dy kushurinj të tij.

Sipas policisë të riun teksa lahej ka rrëmbyer rrjedha e lumit, edhe kjo mendohet të jetë dhe shkaku i mbytjes së tij. 

Shërbimet e Policisë, në bashkëpunim me banorët e zonës, kanë gjetur dhe  nxjerrë  trupin e pajetë të 22-vjeçarit dhe kanë transportuar në morg për veprime të mëtejshme.

Ai nuk ka mundur të dalë nga uji dhe është mbytur. Trupi i të riut është nxjerrë nga uji nga policia dhe më pas është dërguar në morgun e Tiranës për ekspertizë mjeko-ligjore. 

Njoftimi i policisë

Rreth orës 16:00, është njoftuar Salla Operative se në fshatin Skuraj, në lumin Mat, shtetasi K. E., duke u larë në lumë, dyshohet se është rrëmbyer nga rrjedha  e  lumit dhe për pasojë ka humbur jetën.

Shërbimet e Policisë, në bashkëpunim me banorët e zonës, kanë gjetur dhe  nxjerrë  trupin e pajetë të 22-vjeçarit dhe kanë transportuar në morg për veprime të mëtejshme.

Grupi hetimor nën drejtimin e Prokurorisë vijon punën për sqarimin e rrethanave të ngjarjes dhe përcaktimin e shkakut të humbjes së jetës.

H.K/S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Dhjetor, 07:30

    Çfarë vlerësimi keni për drejtimin e SPAK nga Altin Dumani?

Lajme të tjera