TIRANE - Në dosjen hetimore për mbytjen në det të 39-vjecarit Gentian Peta 1 vit më parë teksa udhëtonte nga Bari drejt Durrësit, mungojnë disa prej dëshmive të cilat provojnë neglizhencën e stafit të tragetit Bridge në të cilin ndodhej Peta 19 Prillin e 2014-ës.

Një prej tyre është ajo e Vasil Zefit, e dhënë para oficerëve të policisë gjyqësore në Durrës dhe e paadministruar në dosjen e prokurorisë.

A1Report ka siguruar këtë dëshmi audio dhe tekst të dhënë para oficerit të policisë gjyqësore, në të cilën Zefi shprehet se veprimet për shpëtimin e Petës pasi ra ai ne det, kanë nisur me vonesë e sikur të mos mjaftonte kjo varkës së shpëtimit i mungonte karburanti dhe të tre varkat nuk ishin në funksion.

Oficeri: Moret vesh qe eshte hedh apo ka ra nje person nga trageti 
Vasil Zefi: Po ka ra nje person nga trageti 
Oficeri: Kishte ra ne uje po edhe 
Vasil Zefi: Njerzit bertisnin a ka kapiten ketu apo ska 
Oficeri: Njerzit bertisnin ti e pe me sy njeri ne det 
Vasil Zefi: Jo nuk e kam pa por njerzit ca bertisnin duke therrit personelin e tragetiti ca qanin 
Oficeri: Momenti qe ke dal ti kishin ardh ato te personelit te anijes 
Vasil Zefi: Po kishin ardh po provonin gomonet e vogla 
Oficeri: Kur dole ti ke bordi a kishin ardh ato te personelit dhe sa persona fiksove ti per pasagjerve 
Vasil Zefi: Kane qen 3 persoan 
Oficeri: Cfar po benin ato 
Vasil Zefi: Po mereshin me gomonet e vogla 
Oficeri: Po mereshin me vark shpetimit per ta ulur ne uje 
Vasil Zefi: Po 
Oficeri: Ehe pastaj 
Vasil Zefi: Ato nuk punonin fare 
Oficeri: Sa minuta shkoi levizja e tyre qe ato vertetuan qe nuk punonin 
Vasil Zefi: Shkoi mbi gjysem ore 
Oficeri: Pastaj doli qe varka nuk punonte nuk ishte gjendje pune 
Vasil Zefi: Po nuk punonte
Oficeri: Pra rezultoi qe varkat nuk jane ne gjendje pune 
Vasil Zefi: Ishin 3 po asnjera nuk punonte

Aktualisht ka kaluar më tepër se sa një vit dhe familjarët e Petës nuk kanë një përgjigje nga akuza, e cila do duhet të vendos nëse kompania që administron tragetin Bridge ka shkelur apo jo rregullat detare dhe ato të sigurisë për pasagjerët. Pasi në rastin e shqiptarit që u zhduk në det nëse do të ishte ofruar ndihma sot ai mund të ishte në jetë.

Trupi i tij u gjet 4 muaj pas ngjarje ne gusht te 2014-es në grykëderdhjen e lumit Drin në Lezhë.

Redaksia Online
(Gre.M/Shqiptarja.com)