Në pallatin presidencial të Argjentinës i është dhënë lamtumira e fundit sot Diego Armando Maradonës, lojtarit që është sinonimi i futbollit dhe që vdiq në moshën 60-vjeçare një ditë më parë. Në nder të ‘El Pibe de Oros’ qindra qytetarët pushtuan sot pallatin presidencial ku nuk munguan brohoritjet por as lotët. Në sytë e shumë prej tyre dallohej qartë edhe trishtimi, ndërsa e mbushën me lule dhe fanela.
Ndërkohë mediat në Argjentinë kanë publikuar edhe autopsinë e Maradonës. Ai vdiq në gjumë nga kardiomiopatia, një gjendje ku muskujt e zemrës dobësohen dhe zgjerohen duke mos pompuar mjaftueshëm gjak për pjesën tjetër të trupit. Mësohet se fjalët e fundit të tij kanë qenë mëngjesin e së mërkurës kur ai zbriti të hante mëngjes. Ai kishte thënë nipit të tij se ‘nuk ndihej mirë dhe se po shkonte të shtrihej’.
Vdekja e Maradonës sfidoi edhe pandeminë e koronavirusit, pasi mijëra qytetarë në Buenos Ajros, por edhe në Napoli u mblodhën në rrugë në nder të legjendës. Për herë të fundit u këndua për atë, që pavarësisht se ishte një figurë mjaft kontroverse për shkak të jetës përtej fushës, bëri fëmijët në katër anët e botës dhe jo vetëm të dashuroheshin me futbollin.
Dhe sigurisht për një figurë të kësaj madhësie nuk munguan as mesazhet ngushëlluese. Ndër to mund të veçohet ai i brazilianit Pele, që tha se ‘humbi një nga miqtë e tij më të mirë’ dhe se ‘shpreson që një ditë të luajnë bashkë futboll në qiell’.
Edhe mesazhi i klubit të Napolit pikëlloi këdo. ‘Të gjithë presin që ne të flasim, por tani është koha të qajme,’-shkruhej në reagimin e tyre. Ikja e Maradonës nuk kaloi edhe pa lutjet e Papës, i cili është argjentinas dhe një tifoz i madh futbolli.
Dy nga shumë momentet e paharrueshme të Maradonës në futboll janë goli me dorë në çerekfinalet e Botërorit 1986 kundër Anglisë dhe kërcimi gjatë nxehmjes para ndeshjes me Bayern-in në Kupën Uefa.
Dita e lamtumirës së Diego Maradonës nuk ka shkuar edhe aq mirë. Pavarësisht se është një ngjarje që ka trishtuar futbolldashësit dhe jo vetëm në botë, kjo nuk i ka shmangur incidentet në pallatin presidencial në Argjentinë mes policisë dhe personave që vijnë për homazhe.
Kjo pasi shumë njerëz janë grumbulluar para pallatit duke krijuar rradhë të gjatë në periudhë koronavirusi. Për pasojë ka patur edhe përplasje, por që nuk kanë zgjetur shumë.
Lajme të tjera
-
Prokuroria kontrolle në banesën e Maradonës për të zbuluar vdekjen, vajzat e legjendës: Ja personat që morën pjesë në vrasjen e tij
7 Mars, 15:30 -
Tetë persona para gjykatës, Maradona kishte shanse për të jetuar
19 Prill 2023, 13:13 -
Fotografi i 'Dorës së Zotit': E pashë menjëherë mashtrimin e Maradonës! Nuk më bëri të pasur
8 Nëntor 2022, 17:03 -
Kishte fshehur 2.6 kg kokainë brenda pikturave me figurën e Maradonës, arrestohet 72-vjeçari në një aeroport në Turqi
24 Dhjetor 2020, 14:30 -
Merret vendimi, stadiumi i Napolit do quhet 'Diego Armando Maradona'
4 Dhjetor 2020, 19:07 -
VIDEO/ Pse Maradona u quajt 'Dora e zotit'?
25 Nëntor 2020, 22:57 -
‘Maradona tani është zgjuar’, mjeku: Opracioni në kokë shkoi me sukses
4 Nëntor 2020, 13:47 -
Legjenda e futbollit argjentinas, Diego Maradona do t'i nënshtrohet një operacioni në tru
3 Nëntor 2020, 21:19
