POP 5

Lajmet më të lexuara të 5 minutave të fundit

Sport

Me ndjenjën e fortë të hakmarrjes, Bayern-Barca 'ndez' sonte Champions League! Plzen pengesa e Interit, Liverpool pret Ajax-in

‘Titanët’ zbresin në fushë mbrëmjen e sotme për Champions League. Me ndienjën e fortë të hakmarrjes Barcelona sfidon në Gjermani Bayern Mynchen, ndërsa Interit i duhen me patjetër 3 pikët në transferëtn çeke. Me shumë interes priten edhe përballjet e tjera si Liverpool-Ajax, apo Sporting-Tottenham.

Champions League rikthen sonte ‘yjet’ në fushë, pasi në Gjermani dhe konkretisht në Mynih do të luhet superpërballja mes Bayern-it dhe Barcelonës, e vlefshme për raundin e dytë të fazës së grupeve. Të dy skuadrat vijnë pas fitoreve, Bayern-i 0-2 kundër Interit dhe Barça 5-1 kundër Plzen, ndaj në orën 21:00 do përcaktohet se kush është komanduesi. Po përveç kësaj nuk mund të harrohet dhimbja e madhe që Bayern i shkaktoi Barcelonës në 2020, teksa i eliminoi me rezultatin poshtërues 8-2 në. Spanjollët kërkojnë hakmarrje jo vetëm për këtë, por edhe për dy humbjet me shifrat 3-0 që sërish gjermanët i shkaktuan në fazën e grupeve, por këtë herë në fazën e grupeve. Me këshëri pritet për të parë edhe rikthimin e Lewandowskit në ‘Allianz Arena’, por për herë të parë pas 7 vitesh kundër Bayern-it.

Sfida tjetër e këtij grupi luhet në Çeki mes Viktoria Plzen dhe Interit në orën 18:45. Pas humbjes me Bayern-in alternativa e vetme për italianët është fitorja, pasi në të kundërt është pothuajse i pamundur kalimi i grupeve. Edhe për këtë ndeshje Inzaghi vijon të ketë të padisponueshëm Lukaku-n.

Në grupin A Liverpool pas humbjes shokuese me Napolin do të presë Ajax-in në Angli, për të treguar se kundër italianëve ishte rastësi, ndërsa sfida tjetër Rengers-Napoli është shtyrë për shkak të vdekjes së mbretëreshës Elizabet.

Në grupin B pas fitores me Porto-n, Atletico Madrid udhëton në Gjermani për tu përballur me Bayern Leverkusen, ndërsa Porto pret në shtëpi Club Brugge. Ndërkohë në grupin D pas fitoreve në ndeshjet e para Sportingu sfidon në Portugali Tottenham, ndërsa Marseille dhe Frankfurt do kërkojnë kundër njëri-tjetrit të marrin pikët e para për këtë sezon.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Militantë të Berishës protestojnë kundër Ramës në Londër (VIDEO)

Militantë të Berishës protestojnë kundër Ramës në Londër (VIDEO)

24 Nëntor, 12:59