POP 5

Lajmet më të lexuara të 5 minutave të fundit

Arkiva

Me një kartë identiteti
mund të votohet dy herë

Testi i parë zyrtar i projektit të verifikimit elektronik solli një sërë problematikash, duke filluar që nga mundësia e moseleminimit të votimit dyfishtë e deri te problemi që mund të hasë pajisja në rast të ndërprerjes së energjisë në qendrat e votimit.
TIRANE - Testimi për verifikimin elektronik që do të përdoret në Qarkun e Tiranës në zgjedhjet e 23 qershorit, duket se ka dështuar. Dhe dështimi ka ardhur pas një sërë problemesh që janë evidentuar gjatë provave të djeshme.

Pajisja elektronike, e cila është planifikuar për të shmagur manipulimin me kartat e identitetit, duket se nuk do t'i japë zgjidhje manipulimit të zgjedhjeve me karata identiteti.

Gjithë problematika qëndon në faktin se, nëse një votues voton dy herë më kartë identiteti, vota e tij do të numërohet, ndërkohë që pajisja elektronike nuk e jep rezultatin në çast, por vetëm pas dy ditësh.

Pavarësisht se sipas përfaqësueve të KQZ-së, nëse një person voton dy herë, sistemi dixhital e identifikon pas 48 orësh, duke e çuar menjëherë personin abuzues për ndjekje penale. Në provën e djeshme, nga 44 persona që stimuluan votimin, aparatura nuk njohu kartat e identitetit të 5 prej tyre, duke e çuar në dështim të plotë tërë testimin.

Zgjidhja e dhënë në këtë rast nga komisioni, për regjistrimin e numrit personal të dokumenteve në mënyrë manuale dhe lejimin e përdoruesve të tyre të votojnë normalisht, la jo shumë të kënaqur përfaqësuesit e partive politike.

Sipas tyre, zgjedhësi mund të shkojë në qendrën e votimit me dokument të falsifikuar, që nuk njihet nga aparaturat, të cilat kanë kushtuar miliona euro, dhe sërish të votojë.

Përfaqësuesit e KQZ saktësojnë se, përsa i përket kartave të falsifikuara, sistemi nuk i njeh dhe nuk do të pranohen të votojnë, gjë që është kundërshtuar nga përfaqësuesit e partive politike.

Ata shtruan shumë pyetje, ku një ndër kryesoret ishte korruptimi i të dhënave në kompjuterat qe ndodhen në qendrat e votimit në gjithë Tiranën. Sakaq pritet së shpejti që këta eskpertë të hartojnë një raport, të cilin më pas do ia paraqesin KQZ-së për vendimmarrje.
 
SIGURIA E TË DHËNAVE

Përfaqësuesit e opozitës të pranishëm gjatë testimit, gjithashtu kanë ngritur shqetësimin nëse, mund ndërhyhet në sistem, si është votuar dhe cila eshtë siguria për hedhjen e të dhënave.

Problematikë tjetër e parë edhe gjatë testimit është karta e identitetit e dëmtuar, qoftë edhe kur janë fshirë disa të dhëna në të. Vendimin, nëse këta zgjedhës që aparatura nuk i verifikon do të votojnë apo jo, iu takon komisionerëve për ta dhënë.

Identifikimi elektronik ngriti edhe pikëpyetjen nëse do të vijojë apo jo votimi në një qendër, së cilës i ndërpritet energjia elektrike dhe që në zgjedhjet e mëparshme nuk ka munguar as ky fenomen.

Shkrimi u botua sot në gazetën Shqiptarja.com (print) 09.06.2013
 
Redaksia online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03