Më pak krime në burgje gjatë pandemisë, Gjonaj: Në 2020 u proceduan penalisht 53 persona

Në burgje gjatë pandemisë kanë ndodhur më pak krime. Sipas shifrave bërë publike nga Ministrja e Drejtësissë Etilda Gjonaj, në vitin 2020, 53 persona u proceduan penalisht për vepra të lehta që kanë të bëjnë kryesisht më shkeljen e protokollit të burgjeve.

"Rezulton që për vitin 2020 janë ndjekur penalshit gjithsej 53 shtetas. Pandemia ka ndikuar në uljen e këtyre rasteve, pasi për një periudhë të gjatë kohore nuk ka patur vizita të familjarëve", tha ajo.

Përsa i përket veprave penale që janë kryer kryesisht nga të dënuar dhe familjarë të tyre, numri shkon në total në 175 të tilla.

"SHKBB-ja ka referuar për vitin 2020 një numër prej 175 veprave penale në institucionin e Prokurorisë. Ndërkohë, janë marrë 11 masa përsa i përket masave të vlerësimit dhe janë referuar 93 të dënuar dhe ta paraburgosur, por edhe një numër i caktuar familjarësh, sidomos kur bëhet fjalë për futje të sendeve në burgjeve".

Gjonaj dha disa statistika të zgjeruara edhe përsa i përket tre viteve të fundit. Në mesin e të dhënave bie në sy numri prej 24 drejtues apo shefash burgjesh, të cilët janë proceduar penalisht.

"Një shifër mund t'iu japë edhe përsa i përket të dhënave për periudhën kohore shtator 2017 - dhjetor 2020, ku numri i autorëve të proceduar është 966 shtetas. Janë autorë 24 drejtues të IEVP-ve apo nivelit të lartë drejtues".

Procedimi penal për drejtuesit dhe shefat e burgjeve në vend ka ndodhur kryesisht kur janë shkelur rregullat. Nuk kanë munguar edhe rastet e keqtrajtimit të të burgosurve apo lëvizja e tyre nga një burg në tjetrin jashtë protokolleve të parashikuara.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri