‘Më sillni draftin!’/ Spiropali i përgjigjet thirrjes së Ramës: Do ta kemi marrëveshjen e re për Shqipërinë! PS duhet të vetëpastrohet

Thirrjes së kryeministrit dhe kryetarit të PS, Edi Rama që “shpirtrat e humbur të familjes që duan Shqipëri të re, të sjellin draftin”, i është përgjigjur Elisa Spiropali.

Deputetja, e cila prej disa muajsh ka përplasje me kryesocialistin, thotë se “do ta kemi marrëveshjen.” Këtë të fundit, e lë në duart e PS që “duhet të mbledhë mendjen” e “të vetëpastrohet”, shkruan ajo në një reagim në rrjetet sociale.

“Po, do ta kemi Marrëveshjen e Re për Shqipërinë.

LEXO EDHE:
Mentor Kikia: Përse duhet referendum për një çështje 'të mbyllur'?

Shqipërinë që duam të ndërtojmë duhet ta bëjmë, dhe do ta bëjmë, më të hapur, më të drejtë, më meritokratike, më europiane.

Për ta arritur këtë, Partisë Socialiste i duhet të gjejë forcat, të mbledhë mendjen, të vetpastrohet, të bëhet më dinamike, më demokratike, më kompakte, për të mbetur gjithmonë e re, gjithmonë e pastër, pa smërçe, pa ndryshqe, pa pehlivanllëqe.

Ta bëjmë Marëveshjen e Re të madhe, të thellë, të vërtetë, duke pasur parasysh, se po nuk lartësuam veten, nuk mund ta përmirësojmë vendin”, shprehet Spiropali.

Sfida e kreut të PS për socialistët erdhi gjatë mbledhjes së grupit të shtunën. Rama tha se kush nuk do të shkojë të sheshi i xhirimit dhe t’iu bashkohet protestuesve, të qëndrojë në PS dhe të shohë se karta për në BE është e historisë së Shqipërisë.

P.J/Shqiptarja.com

TAG:
• elisa spiropali
• edi rama