E ftuar në studion e emisionit ’Pa gjurmë’, nëna e tij Kimetja rrëfen mbi atë që kanë mundur të mësojnë, kur dy shokë të tij e kanë parë nën shoqërinë e një gruaje dhe një djali afro 6 vjec në një lokal në qytetin e Selanikut. Sipas nënës, kjo gjë mbetet ende një gojëdhënë, pasi ditën që djali i saj u largua nga vendi ku punonte në një biznes mobilerie në Nikël të Fushë-Krujës nuk u bë më i gjallë.
"Jam shumë e shkatërruar në shpirt. I shtrova drekën dhe më pas u ngrit. I doli mbrapa dhe më tha po iki më punë. Ishte viti 2004 dhe nuk u kthye më. Ai punonte në një mobilerie në Nikël. Ishte paraqitur në punë atë ditë. Pronari na tha se kishte ikur për të pirë një kafe, i vetëm. Kemi pyetur edhe në lokalin aty afër, por nuk e kishin parë. Nga shtëpia doli rreth orës 1 e 30, ndërsa nga puna ka dalë rreth orës 16:00, sic ka thënë pronari. Po atë ditë ka takuar dhe një bashkëfshatarin e tij, të cilit i ka pohuar se po ikte për një kafe. Gojëdhënat i kemi për në Selanik. Bëhet fjalë për një informacion të vitit 2012. Na kanë thënë se e kanë parë me një djalë diku tek 6 vjec, të shoqëruar edhe nga një grua, që mund të jetë bashkëshortja. Kanë qenë në një lokal dy shokë kur e kanë parë Sokolin. Ata e kanë njohur por nuk i kanë folur. Zoti e pastë ruajtur nga të këqijat. Ne nuk kemi patur asnjë konflikt. Unë rri më shpresën se jeton në Selanik dhe është gjallë".
Gjatë transmetimit live në emsionin ‘Pa gjurmë’ mbërriti një telefonatë që shton dyshimet se vërtetë 41-vjecari mund të jetojë në shtetin grek. Një dëshmitar nga Shkodra pretendon se e ka takuar Sokolin në ishullin e Kretës, ndërsa ishte i shoqëruar edhe me shqiptarë të tjerë. Ata janë takuar në një zonë ku ka shumë manastire, ndërsa punonin në ndërtim.
’Unë jam një qytetar nga Shkodra. Në shkurt të vitit 2010 e kam takuar në ishullin e Kretës. E kam takuar rastësisht kur punoja në manastire si usta. Ai ka qenë edhe më shqiptarë të tjerë nga Lushja, Fieri dhe nga veriu i Shqipërisë. Kemi pirë nga një frape së bashku. E pyeta nga je dhe më tha se ishte nga Fushë-kruja. Ai djalë që unë takova në Greqi gjan shumë me foton, por ka qenë pak më i shëndoshë kur e kam takuar unë. E kam takuar tre ditë rresht në tre fshatra të ndryshëm. Jam i bindur se është ky zotëria që kam takuar. Njihej në Greqi me emrin Vasilis’, tha dëshmitari në studio
Sokol Tufa është babai i një vajze të cilën e la 18 muajshe, ditën kur u zhduk papritur. Shqetësimet dhe problemet e vazhdueshme në jetën e 41-vjecarit kishin nisur që në vogëli, kur pati pësuar një aksident në këmbë e më pas kur kishte humbur njërën dorë në një tjetër aksident në punë. 6 vite pasi humbi gjurmët, bashkëshortja e tij u martua me një shtetas serb, aty ku jeton ende dhe sot. Vajza qëndroi me nënën në Serbi deri në moshën 13-vjecari dhe sot jeton në Nikel me gjyshen nga babai. Ishte shumë e vogël në kohën kur i ati u zhduk, ndërsa e ka mundur ta njohë imazhin e tij vetëm në foto edhe përmes kujtimeve të familjarëve.
’Ne kemi patur një marrëdhënie shumë të mirë me nusen. Ajo jetoi 6 vite me ne dhe pastaj u largua. Në krye të dy javëve coi haber se nuk do të kthehej më. Ajo mori dhe vajzën me vete. Nuk e desha veten. Nusja e priti 6 vite, më pas u largua dhe nisi një jetë të re në Serbi. Vajza ishte 18 muajshe kur Sokoli humbi. Mbesa jetoi për disa vite me nënën në Serbi. Ne donim që vajza të jetonte këtu. Kur u largua, nusja nuk na tha se nuk do kthehej më. Kur Sokoli u zhduk vëllai i nuses na tha se djali kishte ikur për në Greqi. Por ne nuk verifikuam dot asgjë. Ikja e atij djali më ka rënë si bombë. Ai nuk rrinte dot pa ne. Nuk e si u zhduk kështu’, rrëfen e përlptur nëna në studio
Lajme të tjera
-
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15
