X

POP 5

Lajmet më të lexuara të 5 minutave të fundit

Sociale

’Më trego bir ku je’! Pas telefonatës anonim, zhduket sipërmarrësi i ndërtimit nga Peqini (VIDEO)

Në pritje prej 12 vitesh, Zenepe Ballmi denoncon për herë të parë në emisionin ’Pa Gjurmë’ në Report TV, zhdukjen e djalit të saj. 48-vjeçari Ruzhdi Ballmi nga Peqini, i cili rezulton i humbur që prej majit të vitit 2008. 

Prej afro një dekade, sipërmarrësi i ndërtimit jetonte në Athinë dhe sapo ishte kthyer në atdhe, kur u zhduk papritur nga Peqini, pas një telefonate që mori nga Greqia. Misteri i asaj telefonate dhe dalja e papritur nga shtëpia e babait te tre fëmijëve, ngre dyshimin tek familjarët, se ai u nis me urgjencë drejt tokës helene. 

Dikush e mori ne telefon dhe debatoi rëndë me të. Ne kuptuam se po debatonte ashpër, kur Ruzhdiu ngriti zërin. Ai u shqetësua shumë kur foli me atë person, në gjuhën greke. Diçka i ka ndodhur në Greqi, ku ai punonte si sipërmarrës në ndërtim, por ne nuk na tha asgjë. Pasi mbylli telefonin, ai doli nga dera dhe i tha nuses se do të kthehej shpejt. Pasi doli nga ajo derë, djali im nuk u kthye më. Lutem të jetë gjallë, se po e presim prej kaq vitesh. Nuk e dimë se cfarë i ka ndodhur

Ruzhdiu ishte një njeri familjar, ndërsa kishte ardhur në Shqipëri për të nxjerrë pasaportat e 3 fëmiëve dhe bashkëhsortes që të mund t’i merrte me vete në Athinë. Figura e babait u ka munguar për shumë vite fëmijëve, të cilët u rritën vetëm nga nëna e tyre, që nuk u largua nga shtëpia e burrit. Më i vogli ishte djali 3-vjecar, i cili vështirë se kujton imazhin e të atit të humbur 12 vite më parë.

Nena ne kerkim te djalit, Ruzhdi Ballmit

Kush ka informacion është i lutur të lidhet me redaksinë e emisionit “ Pa Gjurmë” në 2 numrat tanë të kontaktit:

Në cel: 069 99 55 698

Në tel: 0444 17 778

si dhe në aplikacionet: WhatsApp dhe Viber

Në adresën tonë në facebook:"https://www.facebook.com/pagjurme/"GjurmëHYPERLINK "https://www.facebook.com/pagjurme/" Report TV

Në kanalin tonë në Youtube: Pa gjurmë Channel

Cdo ditë në ekranin e Report Tv, ora 16: 00 nga hena deri në te premte.

O.D.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Pse shkalloi Ilir Meta?

Pse shkalloi Ilir Meta?

16 Prill, 17:43 nga Spartak Ngjela