Fëmijërinë e saj Amanda Dedej ia ka dedikuar sportit të karatesë ku edhe shkëlqen prej vitesh. 11-vjeçarja nga Dushku i Lushnjës dominoi mbi 1400 garues nga 13 shtete, duke marrë medaljen e artë në kampionatin ballkanik për të rinj.
“Unë mora vendin e parë duke bërë katër ndeshje, duke fituar ndaj sportistes serbe, sllovene, Bosnje-Hercegovinës dhe turkes. Jam ndierë shumë e lumtur,”-tha Amanda.
Është ende shumë e re, por sakrificat e Amandës për karatenë i kalojnë limitet.
“Unë stërvitem 6 orë në ditë dhe kam 27 medalje deri më tani. E kam filluar që prej moshës 4 vjeçe dhe ëndërr kam të dal kampione botë në të ardhmen,”-u shpreh Amanda.
Amanda stërvitet në palestrën ‘Bijtë e Shqipes’ ku praktikojnë karatenë edhe dhjetëra fëmijë të tjerë.
“Më pëlqen karateje dhe kam gati 1 vit që e praktikoj. I bëj apel moshatarëve të mi të merrem me këtë sport sepse i zhvillon trupin, mendjen dhe gjithashtu i ndihmon me fizikun e tyre,”-deklaroi një fëmijë.
“Jam Euglent Bakiasi, 12 vjeç dhe kam 4 vite që bëj karate,”-u shpreh një fëmijë.
“Jam 13 vjeçe dhe kam disa muaj që e praktikoj këtë sport që më pëlqen shumë,”-tha një fëmijë.
“Unë jam Alvin Dedej jam 7 vjeç. Kam rripin blu, ndërsa me karaten merrem prej dy vitesh,”-u shpreh një tjetër fëmijë.
Rezultatet e Amanda Dedejt, por edhe përhapja e sportit të karatesë në Dushk të Lushnjës është për meritë të trajnerit Lirim Dedej, gjithashtu edhe trajner i ekipit kombëtar. Në këtë palestër stërviten fëmijët nga mosha 4 deri në 14 vjeç nga disa qytete të Shqipërisë.
Komente
Lajme të tjera
-
Kosova shkruan historinë, zë vendin e tretë në botë për karate! Sportistet s'i mbajnë dot lotët (VIDEO)
29 Tetor 2023, 22:26 -
Medaljet në kampionatin Ballkanik të karatesë, Arifi: Doja të artën, por krenar që u ndesha para publikut shqiptar
26 Shtator 2023, 16:25
-
Mjeku shqiptar në Zvicër që shkroi historinë, kampion Evrope në karate! Alvin Karaqi: Qava kur dëgjova himnin, stërvitem në 5 të mëngjesit
28 Qershor 2023, 13:06 -
Historike/ Alvin Karaqi bën që të dëgjohet himni shqiptar në Lojërat Evropiane, medalja e parë e artë në karate
24 Qershor 2023, 09:53 -
Emocionet e flamurit, Alvin Karaqi siguron medalje për Shqipërinë! Sportisti s'i mban lotët
23 Qershor 2023, 15:39 -
Qipro nuk e lejon Kosovën të garojë me simbolet shtetërore në kampionatin e karatesë (VIDEO)
3 Shkurt 2023, 16:34 -
Kampion i Karates në Shqipëri për herë të 11-të, Basha: Talent gjenial, në të ardhmen do ta ngrejë edhe më lart flamurin kuqezi
26 Shtator 2021, 20:35 -
‘Karaten e nisa se më tha trajneri i futbollit’, kampioni i Shqipërisë: Kosova më mohoi mbështetjen (VIDEO)
8 Shkurt 2021, 13:19
Urime dhe suksese ne endrren tende per t'u bere kampione bote!
Përgjigju