POP 5

Lajmet më të lexuara të 5 minutave të fundit

Kronikë

Media britanike shkruan për tragjedinë e Himarës: Polici po kryente manovra të rrezikshme me gomone, goditi për vdekje 7-vjeçarjen Jonada Avdia

Media britanike Mirror i ka kushtuar një artikull tragjedisë në himarë ku mbeti e vrarë 7-vjeçarja Jonada Avdisa, për shkak se u përplas për vdekje nga gomonia që drejtohej nga Arjan Tase.

Media britanike Mirror ka botuar një artikull sa i përket tragjedisë në Himarë ku mbeti e vrarë 7-vjeçarja Jonada Avdia, për shkak se u përplas për vdekje nga gomonia që drejtohej nga ish shefi i Komisariatit të Himarës, Arjan Tase. Në median britanike, përshkruhet ngjarja e tmerrshme që ndodhi në brigjet shqiptare. Imazhi i vogëlushes shqiptare, kryesonte kopertiën e gazetës Mirror e cila më tej sqaron se Jonada e vogël kishte lindur në Britaninë e Madhe dhe familja e saj jetonte prej dy dekadash në Barking të Londrës. 

Shkrimi në median britanike: 

Një vajzë e re britanike ka humbur jetën në një aksident të tmerrshëm pasi dyshohet se u godit nga skafi i një polici jashtë shërbimit teksa po pushonte në Shqipëri. Vdekja e Jonada Avdias ka sjellë protesta në të gjithë vendin duke kërkuar dorëheqjen e kryeministrit dhe ministrave.

Shtatë vjeçarja humbi jetën pasi polici Arjan Tase dyshohet se po manovronte rrezikshëm me skafin e tij në plazhin e Potamit në Himarë, në jug të Shqipërisë. Policia konfirmoi se rreth orës 14:00 të së martës shoferi i skafit humbi kontrollin dhe goditi fëmijën nga Barking në Londër, e cila vdiq menjëherë në vendngjarje.

Arjan Tase dyshohet se po kryente manovra të rrezikshme me skafin e tij. Ai pritet të dalë të premten para gjykatës së Vlorës pasi u akuzua për vrasje nga pakujdesia. Mësuesi Bislim Ahmetaj ka shpërndarë një postim emocionues në rrjetet sociale duke thënë: “Shqiptarët po vajtojnë për Jonadën dhe familjen e saj, ndërsa për ty, vrasës i fëmijëve dhe ëndrrave, nuk do të ketë varr.”

“Drejtësia për Jonadën duhet dhe do të vendoset nga qytetarët shqiptarë”. Ai zbuloi gjithashtu një bisedë prekëse që kishte bërë me babain e vajzës, Bledarin. Ai shkruan se babai i pikëlluar i tha se: Ma mori Zoti, ishim dorë për dorë, pse e mori atë e s’më mori mua.

7-vjeçarja ishte me pushime me familjen e saj në vendlindjen e prindërve, por prej dy dekadash jetonin në Britaninë e Madhe dhe Jonada ka lindur në Londër.

Për shkak të aksidentit katastrofik, shefi i Policisë së Shtetit, Gledis Nano shkarkoi rreth 15 efektivë, duke thënë se “nuk do të toleronte asnjë punonjës policie, drejtues i cili nuk zbaton me rigorozitet dhe ndershmëri detyrat e policisë, në interes të mbrojtjes së jetës së qytetarëve”.

Ky është rasti i tretë në një muaj ku skafet në plazhet e Shqipërisë u shkaktojnë aksidente turistëve dhe autoritetet deklaruan se po kryenin kontrolle këtë verë në mjete lundruese. Qirinj dhe lule janë vendosur aty ku humbi jetën Jonada, si dhe para Kryeministrisë.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mirdito: 05/08/2022 16:52

    Anglezet po perfirojn nga rasti per te hedh bajt kundra shqiperis. Mos rafsh keq se ta fusin.

    Përgjigju
  • Xxxxx: 05/08/2022 15:49

    Mbase ka zot ta kapi ndonj ne burg nga ata burgaxhinjt ket arjan tasen tja qij motren ku e ka

    Përgjigju
  • Tino: 05/08/2022 15:36

    Mqs mirela kumbaro nuk kishte harxhuar asnje lek oer promovimin e turismit shqiptar sivjet visit albania ne asnje media nderkombetare , ja ku na e ben anglezet edhe pa lek .kjo esht reklama me e mire dhe me e vertet se si behet turismi ne shqiperi

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ Mbyllja e TikTok, 81% e shqiptarëve pro vendimit të qeverisë

Sondazhi/ Mbyllja e TikTok, 81% e shqiptarëve pro vendimit të qeverisë

25 Dhjetor, 21:08