POP 5

Lajmet më të lexuara të 5 minutave të fundit

Politikë

Media e familjes Berisha: Nga frika e tubimeve të Berishës, Rama dha vendimin për t'i bllokuar! SHBA ka kaluar ‘vijën e kuqe’ me liderin historik të PD

Një vendim i Ministrisë së Shëndetësisë për të ndaluar grumbullimet deri më 20 shtator si pjesë e masave anti-Covid për të shmangur rritjen e infektimeve, është perceptuar nga media e familjes Berisha si frikë e kryeministrit Rama nga tubimet e Berishës.

Media e familjes Berisha: Nga frika e tubimeve të Berishës, Rama dha vendimin për t'i bllokuar! SHBA ka kaluar ‘vijën e kuqe’ me liderin historik të PD

Rikthimi i Sali Berishës sërish me një rol aktiv në skenën politike duke mbledhur në tubime demokratët, për ithtarët dhe media e familjes së tij, me mendimin se gjithçka rrotullohet rreth idhullit të tyre Berisha, kanë filluar të fantazojnë pa fre.

Një vendim i Ministrisë së Shëndetësisë për të ndaluar grumbullimet deri më 20 shtator si pjesë e masave anti-Covid për të shmangur rritjen e infektimeve, është perceptuar nga media e familjes Berisha si frikë e kryeministrit Rama nga tubimet e Berishës. Vendimi i publikuar në Fletoren Zyrtare më 16 shtator, në të njëjtën ditë kur Berisha mbajti takimin me demokratë në Tiranë, për mediat e familjes së tij kjo vjen si rezultat i frikës që qeveria ka nga tubime që mban ish lideri i PD.

“Vetëm një ditë pasi lideri historik i Partisë Demokratike Sali Berisha nisi aksionin për reformimin e së djathtës, kryeministri Edi Rama vendosi ti vijë në ndihmë kreut të PD-së Lulzim Basha, në kuadër të ofertës për bashkëpunim. Me një vendim të botuar së fundmi në Fletoren Zyrtare që mban firmën e ministres së Shëndetësisë, Ogerta Manastirliu, Qeveria ka vendosur që të ndalojë tubimet deri në datën 20 shtator, duke tentuar në këtë formë që të pengojë takimet e Sali Berishës me mbështetësit e PD”, shkruan media e familjes Berisha.

Ndërsa gazetari i familjes Berisha, Çim Peka, në një debat me Agron Gjekmarkajn, ka thënë se SHBA ka kaluar “vijën e kuqe” me rastin e Berishës.

“Përfshirja në politikë të brendshme është vijë e kuqe për këdo. Ju nuk mund t’ia kërkonit dokumentet zonjës Kim? Kush është më e madhe në parti, anëtarësia apo kryetari?” është shprehur Peka.

‘Thika pas shpine’ siç e cilëson Berisha që iu dha nga Basha ka bërë që fanatikët e tij të luftojnë edhe ‘me mullinjtë e erës’.

Vendimi i publikuar në Fletoren Zyrtare

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Grabiten ‘kryeveprat’ e arit në muzeun hollandez, autorët kryen shpërthim me eksploziv! Policia gjen edhe një automjet të djegur

Grabiten ‘kryeveprat’ e arit në muzeun hollandez, autorët kryen shpërthim me eksploziv! Policia gjen edhe një automjet të djegur

26 Janar, 10:38