POP 5

Lajmet më të lexuara të 5 minutave të fundit

Mediat greke: Shqipëria na sfidon për Çamërinë

"Provokim ndaj Greqisë në Kuvendin e Shqipërisë". Kështu e cilëson media greke 'Protothema' aktivitetin që u mbajt këtë të hënë në Kuvend për "Ditën e gjenocidit ndaj shqiptarëve të Çamërisë nga shovinistët grekë".

Mediat greke: Shqipëria na sfidon për Çamërinë

Aktiviteti në Kuvendin e Shqipërisë

"Provokim ndaj Greqisë në Kuvendin e Shqipërisë". Kështu e cilëson media greke 'Protothema' aktivitetin që u mbajt këtë të hënë në Kuvend për "Ditën e gjenocidit ndaj shqiptarëve të Çamërisë nga shovinistët grekë".

Në artikullin e medias greke shkruhet: "Pasditen e së hënës u zhvillua një aktivitet kushtuar viktimave të “gjenocidit” të Tsamurias nga grekët. Aktiviteti u organizua nga partia ekstremiste dhe antigreke PDIU, e cila pretendon se përfaqëson qytetarët shqiptarë me origjinë çame, e cila promovon sistematikisht axhendën e Ankarasë në vend. Bashkëorganizatorë ishin fondacioni “Çamëria” Hasan Tahsini dhe shoqata çlirimtare 'Çamëria'".

Më pas vijon, "ngjarja provokuese ndodhi me tolerancën e kryesisë së parlamentit dhe qeverisë Rama, e cila herë pas here 'përkëdhel' veshët e nacionalistëve për arsye votimi".

“Në faqen zyrtare të Kuvendit të Shqipërisë thuhet në mënyrë provokative: Sot, 78-vjetori i gjenocidit të shqiptarëve të Çamërisë nga grekët, 27 qershori u njoh nga parlamenti në vitin 1994 si ditë gjenocidi dhe kujtimi, në prani të çamëve, patriotë, veprimtarë e të tjerë, me një demonstratë në parlament ku u theksua zgjidhja e çështjes së Çamëve. Përpara një pankarte ku shkruhej ‘78 vjet gjenocid’, fëmijë të vegjël dhe të rinj recituan poezi çlirimtare për atdheun e ‘skllavëruar’. Deri më tani nuk ka një reagim zyrtar nga Athina, për atë që në mënyrë provokative mori pjesë në Kuvendin e Shqipërisë”, përfundon shkrimi në median greke.

Kujtojmë se të hënën, deputetët e grupit parlamentar “Demokraci dhe Integrim” dhe Kryetari i PDIU-së Shpëtim Idrizi, organizuan një akvitet në sallën e seancave plenare në Kuvendin e Shqipërisë me temë “Mos harro Çamërinë”.

Fjalën e parë në parlament e ka mbajtur kreu i fondacionit “Hasan Tasini”, Alket Veliu, i cili ftoi edhe të ftuarit në sallë të mbanin fjalën e tyre në nisje të Javës Çame, ku do të kulmoi më 27 Qershor, në varrezat monumentale në Kllogjer, Sarandë, në nderim dhe kujtim të jetëve të humbura nga Gjenocidi Grek mbi popullsinë e pafajshme të Çamërisë, 77 vjet më parë. Kreu i Partisë Drejtësi Integrim dhe Unitet, Shpëtim Idrizi tha sot është rasti që njerëzit të shohin dhe kujtojnë përmasat.

Nga masakrat dhe gjenocidi grek masiv ndaj popullsisë çame në vitet 1944-1945 mbetën të vdekur mijëra shqiptarë të Çamërisë dhe mijëra të tjerë u shpërngulen nga tokat e tyre për në Shqipëri, Turqi dhe vende të tjera. 

Kujtojmë se Kuvendi i Shqipërisë në vitin 1994 ka miratuar ligjin për shpalljen e 27 qershorit në kalendarin kombëtar si "Dita e gjenocidit ndaj shqiptarëve të Çamërisë nga shovinistët grekë". 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Unë: 22/06/2022 17:40

    Lexojeni artikullin dhe komentet: shqip: https://www-protothema-gr.translate.goog/world/article/1256590/alvania-ekdilosi-proklisi-gia-tin-tsamouria-mesa-stin-alvaniki-vouli/?_x_tr_sl=el&_x_tr_tl=sq&_x_tr_hl=en&_x_tr_pto=wapp greqisht: https://www.protothema.gr/world/article/1256590/alvania-ekdilosi-proklisi-gia-tin-tsamouria-mesa-stin-alvaniki-vouli/ anglisht: https://www-protothema-gr.translate.goog/world/article/1256590/alvania-ekdilosi-proklisi-gia-tin-tsamouria-mesa-stin-alvaniki-vouli/?_x_tr_sl=el&_x_tr_tl=en&_x_tr_hl=en&_x_tr_pto=wapp

    Përgjigju
  • Marjusi: 22/06/2022 11:30

    Nuk duhet ti percani shtetet me te tilla sfina! Marredheniet me shtetet e tjera qeveria jone po ben me te miren e saj per ti mbajtur ne menyren e duhur. Me vjen keq nese Greqia i merr per kunja te tilla ceremoni.

    Përgjigju
  • Romario: 22/06/2022 11:28

    Mos u perpiqni te beni te tilla lajme per ti percare keto dy shtete. Me vjen keq qe kjo gazete greke mendon ne kete menyre per kete ceremoni qe u zhvillua ne Shqiperi

    Përgjigju
  • Marko: 22/06/2022 11:26

    Kjo eshte nje gje qe ndodh gjithmon me greqinbdhe per cdo gje ato qe qeveria jon mer vendim e quan provokim

    Përgjigju
  • Moza: 22/06/2022 11:26

    Tokat jan tonat edhe sikur Rama te kete bere provokim eshte pune e tije.

    Përgjigju
  • limi: 22/06/2022 11:24

    me kete lajm qe sapo hodhet mu kujtua vucic we na thonte ne provokacja por greqia gjithemon eshte ngacmuarnga gjerat e kota kshu qe nuk

    Përgjigju
  • Vera: 22/06/2022 11:24

    Mendoj qe kjo ceshtje duhet te zgjidhet me konsensus dhe jo duke folur kot per Ramen

    Përgjigju
  • Oli: 22/06/2022 11:22

    Ky nuk eshte provokim nga Rama sepse tokat jane tonat dhe mendoj qe duhet te gjejme nje zgjidhje me kompromis e jo duke hedhur fjale te kota

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58