Ndihmoi 'bosin e kriptomonedhave' që u strehua në Shqipëri me 2 mld dollarë, arrestohet nipi Armando Dukës, Edevaldo Haxhiu

Edevaldo Haxhiu ka përfunduar në pranga të policisë shqiptare, pasi ka ndihmuar në arritjes e bosit turk të kriptomonedhës Faruk Fatih Ozer. Lajmi i bërë fillimisht publik në mediat turke është konfirmuar më pas edhe me burime nga Policia e Shtetit. Në një deklaratë për median Policia e Shtetit ka deklaruar se në finalizim të operacionit'Gjurma'  është vënë në pranga shtetasi Edevaldo Haxhiu i akuzuar për veprat penalesi  “Përkrahja e autorit të krimit” dhe “Mashtrimi kompjuterik”.  

Mediat turke theksonin se Edevaldo Haxhiu, nipi i Armando Dukës, Presidentit të Federatës Shqiptare të Futbollit, kishte ndihmuar Özer të strehohej në Shqipëri.  Haxhiu gjithashtu dyshohet të ketë zhvilluar aktivitete të tjera të jashtëligjshme, 

"Situata kriminale e ndjekur nga Njësia për Hetimin e Krimeve Kibernetike, në bashkëpunim me Prokurorinë pranë Gjykatës së Shkallës së Parë të Rrethit Gjyqësor Tiranë, kishte të bënte me dyshime të arsyeshme se disa shtetas, në bashkëpunim me njëri-tjetrin, kanë kryer veprime me qëllim ngritjen e një skeme të mashtrimit nëpërmjet krijimit dhe shitjes së monedhave virtuale nëpërmjet platformave të krijuara për këtë qëllim, duke rezultuar në mashtrimin e një numri të madh shtetasish të huaj (deri më tani)", thuhet në deklaratën e policisë.

Mediat turke raportojnë se Edevaldo Haxhiu ka hedhur poshtë akuzat e ngritura ndaj tij dhe nuk ka folur gjatë seancës së marrjes në pyetje. Ai kishte thënë se nuk e njihte Fatih Ozerin dhe nuk e kishte ndihmuar të arratisej.  Megjithatë, u mësua se policia kishte shumë dëshmi se Haxhiu ishte "personi që ndihmoi Fatih Özer të vinte në Shqipëri".

Faruk Fatih Özer, u arratis nga Turqia në 20 prill dhe u strehua në Shqipëri. Autoritetet turke nisën një hetim më 22 prill, pas një raporti se përdoruesit nuk mund të hynin në llogaritë e tyre të kriptomonedhave Thodex dhe se pronari i kompanisë kishte ikur jashtë vendit.

TRT Haber fillimisht zbuloi se ndihmësi I tij ishte Altjan Canaj, I cili kishte dëshmuar më pas se nuk e dinte atë si fajtor dhe ai kishte theksuar se kishin ndihmuar Faruk Fatih Özer me Edevaldo Haxhiu, për të cilin ai tha se ishte truri kryesor në arratisje. Në Turqi , janë lëshuar në total 82 urdhër arresti, përfshirë Ozer, për të cilët u lëshua një urdhër arresti. Ai kishte mashtruar rreth 360 mijë përdorues të kompanisë së tij, me vlerë rreth 2 miliardë dollarë.

Edevaldo Haxhiu dhe Faruk Fatih Ozer,

 

Rendit zhvillimet sipas orarit:

Të Fundit Të Parat

/M.Q./Shqiptarja.com

TAG:
• Kriptomonedhat
• Faruk Fatih Özer