13 golat dhe 6 asistet e këtij sezoni me fanellën e Trabzonsporit kanë bërë që Ernest Muçi të jetë objektiv për shumë klube, teksa verën e këtij viti do rikthehet në klubin mëmë, Besiktas.

24-vjeçari i Kombëtares luan në huazim dhe Trabzonspori po përpiqet që të bindë Besiktasin për të ulur çmimin e sulmuesit. Skuadra nga Trabzoni është ndalur te shifra 6 milionë euro, por Besiktasi kërkon diçka më shumë pasi në shkurtin e vitit 2024 pagoi 10 milionë euro për Muçin te Legia e Varshavës.

Forma e sulmuesit ka bërë që 'SofaScore' të tregojë statistikat e Muçit, duke shtuar edhe shprehjen: 'Kurrë mos bjer në dashuri me një futbollist në huazim'.

“Pavarësisht se Ernest Muçi është zyrtarisht në huazim, sulmuesi shqiptar ka shumë të ngjarë të transferohet përgjithmonë te klubi aktual, pasi performancat e tij nuk i kanë dhënë Trabzonsporit asnjë arsye për të mos aktivizuar opsionin e tij të blerjes për 8.5 milionë euro”, shkruan faqja e specializuar e statistikave Sofasore. “Kurrë mos bjer në dashuri me një lojtar në huazim…” është titulluar një foto e Muçit nga 'Sofascore'.

Muçi është ndër futbollistët më në formë të Kombëtares, duke shtuar kështu presionin mbi Sylvinhon, me trajnerin e kuqezinjve që pritet t'i dërgojë një ftesë sulmuesit për ta rikthyer në ekip në kuadër të ndeshjes play-off për Botërorin 2026, asaj kundër Polonisë që luhet mbrëmjen e 26 marsit në Varshavë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Shkurt, 21:54

    Rama shkarkon Ballukun dhe bën 7 ndryshime në qeveri, si e vlerësoni?

Lajme të tjera