Mehmetaj: Ruçi është vënë i 10-ti në listën e Fierit për të mos hyrë në parlamentin e ardhshëm! Rama garon me një ekip që s'ka premisa për të fituar

Kandidatja për deputete e LSI Kejdi Mehmetaj e cila është e dyta në listën e Fierit, në një intervistë për emisionin "5 pyetje nga Babaramo" në Report Tv, ka deklaruar se në këtë qark do të ketë surpriza pasi sipas saj PS nuk do të marrë më vota si në zgjedhjet e kaluara. Kjo sipas Mehmetajt ka për të ndodhur pasi mazhoranca nuk ka mbajtur premtimet.

"Ne kemi objektiva të larta ne LSI lsi por dhe PD e Aleanca për Ndryshim. Besoj se qarku i  Fierit do të jetë qarku surprizë sepse është qarku ku PS ka menduar se do të varë xhaketat dhe do marë votat pa bërë asgjë. Prandaj këtë herë ska për tu votuar PS. Asgjë sështë kthyer pas te ky popull por është marrë shumë prej tyre. Ne kemi një listë kandidatësh me vazja dhe djem të rinj të pa angazhuar më parë", tha ajo.

Për Gramoz Ruçin i cili renditet i 10 në listën e Fierit Mehmetaj tha se s'do të jetë në parlament pas zgjedhjeve të ardhshme. Sipas saj ai është vënë jo pa qëllim i 10 në listën e Fierit.

"Ruçi është i 10 në listën e Fierit, vetë Ruçi e di se sdo jetë fitues, ai është vënë aty për të mos qenë më pjesë e parlamentit sepse ai ka lënë jashtë ata figura të PS që ai i shikon pas zgjedhjeve si kundërshtarë të PS. Rama ka vendosur të garojë me një ekip që ska premisa për të fituar mendoj unë, që nesër të ketë një jetëgjatë në PS, gjë të cilën se besoj", tha Mehmetaj.

TAG:
• edi rama
• LSI
• PS
• Fier
• gramoz ruçi
• kejdi mehmetaj
• zgjedhjet parlamentare 2021
• lista e kandidateve