‘Menaxhimi i kombëtares s’është dinjitoz!’ Vata për shortin e Euro 2024: Pasuesi i Rejës do jetë ‘viktima’ e radhës

Shorti për kualifikueset e Europianit 2024, i hedhur të dielën në Frankfurt, është konsideruar i favorshëm për kombëtaren shqiptare, që do tentojë për herë të dytë në histori për të marrë pjesë në një kompeticion të kësaj rëndësie. I mendimit se kuqezinjtë mund të kualifikohen, duke iu referuar kualitetit në përbërje, është edhe ish-kapiteni i kombëtares Rudi Vata, por për ‘Report TV’ ai tregon se i druhet një tjetër aspekti. Sipas Vatës sistemi i ndërtuar nga federata ka bërë që në disa raste të dështojmë për objektivat.

“Unë mendoj që Zoti bëri të veten edhe shortin e kaluar në Ligën e Kombeve sepse skuadra jonë ishte në një grup tepër të favorshëm, duke parë që Rusia u eliminua. Nuk ka të bëjë me dorën e zotit, por me mendjen e njerzëve. Ekipi kombëtar ka grupin dinjitoz për të bërë paraqitjet e duhura, por duhet parë se si do menaxhohen futbollistët. Niveli i futbollistëve që vijnë nga perëndimi është shumë i lartë profesionalisht me ato të ato që i drejtojnë këtu. Niveli i Dukës në këto 20 vite është më i keqi që ka qenë ndonjëherë.

Kemi futbollistë të mjaftueshëm për të luajtur mirë dhe për të marrë rezultatet pozitive. Në Poloni kemi luajtur shumë mirë, por s’kemi patur balancë. S’kemi kompaktësi. Kemi pësuar në minutat e fundit. Kjo tregon se diçka nuk shkon. Ka probleme grupi sepse futbollistët duket sikur nuk shkojnë. Janë probleme që i kanë krijuar drejtuesit. Nuk kuptojnë dot nivelin profesional të Brojës dhe Balliut. Një futbollist me cilësi shumë të mira, por s’ka qenë pjesë e ekipit kombëtar në të kaluarën. Nuk kam pritshmëri sepse sistemi 20-vjeçar ka prodhuar problematika,”-u shpreh ish-kapiteni i kombëtares.

Për Vatën kapitulli Reja është mbyllur me kombëtaren, por sipas ish-trajnerit të kombëtares kushdo që do ta pësojë do ketë të njëjtin fat.

“Edy Reja është viktima e rradhës e sistemit Duka. Tani të shohim se kush është viktima tjetër,”-përfundoi ish-kapiteni i kombëtares.

 

Intervista e plotë

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ard: 10/10/2022 14:56

    Rendesi ka qe Duka ska humbur asnjihere.

    Përgjigju
  • xxx: 10/10/2022 14:17

    Ti o vat je shume i zoti per trajner kete e ke vertetuar kur ishe trajner i ekipit shkodran nuk ndenje as tre muaj se te larguan me ceremoni

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet