Receta

Menemen, tavë me domate dhe vezë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 27 Mars, 11:05 | Përditesimi: 27 Mars, 11:06

Menemen, tavë me domate dhe vezë

Përbërësit:

4 vezë
3 domate të pjekura mirë
1 qepë mesatare
1 spec jeshil ose i kuq
2-3 lugë gjelle vaj ulliri
1 lugë çaji spec të kuq pluhur
Kripë dhe piper i zi sipas shijes
Majdanoz i freskët për shërbim
Djathë i bardhë ose kaçkavall (opsionale)

Përgatitja:

LEXO EDHE:
Dredhanik, Brushtull e shkrifët nga zonja Albana

Ngrohim vajin e ullirit në një tigan ose tavë dhe kaurdisim qepën derisa të zbutet (rreth 2-3 minuta). Shtojmë specat dhe i kaurdisim për disa minuta derisa të zbuten. Më pas shtojmë domatet e grira në tigan. Rregullojmë shijen me kripë, piper të zi dhe spec të kuq pluhur sipas dëshirës. E lëmë të gatuhet në zjarr të mesëm për 8–10 minuta, derisa domatet të lëshojnë lëngun dhe të krijohet një salcë e trashë. Pasi salca të jetë gati, bëjmë disa gropëza të vogla në të dhe thyejmë vezët mbi salcë, duke i lënë të plota ose duke i trazuar lehtë për një efekt omlete. E mbulojmë tavën dhe i lëmë vezët të piqen për 3–5 minuta. Sipas dëshirës mund të shtojmë pak djathë kaçkavall dhe majdanoz të freskët.