Receta

Gjellë me speca dhe oriz, shije pranverore nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 25 Mars, 11:51 | Përditesimi: 25 Mars, 11:53

Gjellë pranverore me speca dhe oriz

Përbërësit:

4-5 speca jeshilë ose shumëngjyrësh
1 qepë mesatare
2 thelpinj hudhër
2 domate të pjekura
1 filxhan çaji oriz
3 filxhanë çaji ujë ose lëng perimesh
1 lugë gjelle vaj ulliri
Kripë dhe piper i zi sipas shijes
Pak rigon ose trumzë (opsionale)
Majdanoz ose kopër e freskët

Përgatitja:

LEXO EDHE:
Pufka me qumësht pluhur të sherbetosura nga zonja Albana

Në një tenxhere ose tigan të thellë, ngrohim vajin në zjarr mesatar. Shtojmë qepën dhe e kaurdisim derisa të zbutet dhe të marrë një ngjyrë të artë të lehtë (rreth 4–5 minuta). Shtojmë hudhrën dhe e përziejmë për 1 minutë sa të lëshojë aromën. Shtojmë më pas specat e prerë në shirita dhe i kaurdisim për 7–8 minuta, derisa të zbuten pak dhe të fillojnë të marrin ngjyrë. Shtojmë domatet e grira dhe i lëmë të ziejnë derisa të avullojë uji i tepërt dhe të krijohet një salcë e trashë. Më pas hedhim orizin dhe e përziejme mirë që të përthithë shijet për 1–2 minuta. Shtojmë ujin ose lëngun e perimeve, rregullojmë shijen me kripë e erëza. Mbulojmë tenxheren dhe e lëmë gjellën të gatuhet në zjarr të ulët për rreth 15–20 minuta. E heqim nga zjarri dhe e lëmë të pushojë për disa minuta para se ta servirim spërkatur me pak majdanoz ose kopër të freskët.