/ATSH-AFP/ - Bashkimi Evropian ka bërë një hap të parë me marrëveshjen e ndarjes së 120 mijë refugjatëve por mbetet shumë larg nga një zgjidhje e plotë që arrihet vetëm me kuota të përhershme, vlerësoi sot kancelarja gjermane Angela Merkel.
"Ne bëmë një hap të parë, por jemi shumë largë nga ku duam të shkojmë", theksoi Merkel para dhomës së ulët të Parlamentit një ditë pas mbledhjes së BE-së, duke mbështetur një "procedurë të përhershme mbi ndarjen e refugjatëve në vendet anëtare".