Sali Berisha ka shpërndarë spotet e një “letre të hapur” për shqiptarët, ku ilustrimet kryesore të saj janë me vizitat në SHBA, takimet me zyrtarë amerikanë dhe përurimin e “Rrugës së Kombit” ndërtuar nga një kompani zbatuese amerikane.
Të njëjtën gjë ka bërë dhe me lobistin e ri që ka angazhuar në Uashington, i cili po justifikon marrjen e lekëve nga Berisha me argumentin se ai ka qenë dikur pro amerikan.
Edhe pse e shikoj si gjë të mirë që po harxhon ca para për lobistë, nuk e kuptojë pse mendon që do gënjejë shqiptarët me të shkuarën e tij kur i ka pasur raportet e mira me SHBA, kur aktualisht tani ai sulmon vet çdo ditë SHBA dhe zyrtarët amerikanë.
SHBA ka një dosje të hollësishme për Berishën, dhe natyrisht i ka në dosje dhe takimet e tij me zyrtarët amerikanë dikur. Madje nga ato takime ata e kanë profilizuar atë si një lider që nuk funksion sipas parimeve amerikane, pasi me ata liderë ai është përplasur për arrestimet politike në Shqipëri të liderit të opozitës dhe disa veprimtarëve të pakicës greke, me ata liderë është përplasur për zgjedhjet e 26 majit e më pas për situatën në vitin 1997, kur Shqipëria u dogj për shkak të tij.
Nuk ka ndonjë gjë që nuk dihet nga ato që janë publike. Ato që janë jopublike natyrisht janë sterrë për Berishën.
Por dhe sikur të ishin të bardha për të, tani jemi në situatën që SHBA zgjedh të të ketë mik apo jo, dhe nuk e zgjedh ti SHBA.
SHBA ka zgjedhur ta ketë Sali Berishën person “non grata” bashkë me familjen e tij dhe kjo është e përjetshme. Kjo nuk rregullohet as me lobistë në Uashington, as me avokat në Francë dhe as revolucion në Shqipëri. Siç e tha Gabriel Escobar, i dërguari amerikan për Ballkanin, kjo nuk rregullohet as me rezultate elektorale.
Sali Berisha dhe familjarët e tij do vdesin si persona të padëshiruar nga SHBA, si hajdutë, si minues të demokracisë dhe shantazhues të sistemit të drejtësisë. Kjo nuk zhbëhet më.
Madje i vetmi justifikim për Berishën që shan çdo ditë SHBA dhe zyrtarët e saj është pikërisht se “i mbyturi nuk çan kokë nga i laguri me ujë”. Dhe ai është i vdekur për SHBA, kështu që nuk kanë çfarë t’i bëjnë më shumë.
Ky dyzimi i tij që çdo ditë shan SHBA, pastaj përpiqet të na bëj nostalgjikë me periudhën kur dilte foto me zyrtarë amerikanë që tani i quan hajdutë, ngjan me atë emisonin e dikurshëm të Pandi Laços “Histori me zhurmes”, me personazhe të cilët donin të shpjegonin ndonjë keqkuptim nga jeta e tyre e ndëshkuar gjatë regjimit komunist.
Sali Berisha duhet të ndajë mendjen a është një luftetar anti-amerikan siç kapardiset tribunave, apo një i mundur i penduar, që kërkon mëshirë nga SHBA. Dhe kjo vlen vetëm për mbështetësit e tij që ta dinë nëse e kanë vërtet burrë udhëheqësin historik, apo një legen që ditën shan tribunave SHBA e natën u çon letra për t'ia falur.
Kjo nuk vlen për SHBA, pasi për SHBA, ai, gruaja, vajza dhe djali i tij janë thjesht hajdutë që nuk duhet t’u shkojë njeri pas. Vlen për ata që u shkojnë pas.
Lajme të tjera
-
Monumenti i Gjergj Kastriotit vendoset edhe në Tuz të Malit të Zi
28 Nëntor, 21:55 -
Berisha me shqiptarët në Greqi: Vota juaj ka rëndësi përcaktuese për Shqipërinë
28 Nëntor, 21:54 -
Enver Robelli: Kolosi shqiptar në Amerikë
28 Nëntor, 20:40
-
SHBA/ Arrestohet një burrë në Arizona që kërcënoi se do të vriste presidentin Trump dhe familjen e tij
28 Nëntor, 19:25 -
Amerikanët festojnë Ditën e Falenderimeve, ja çfarë simbolizon kjo festë
28 Nëntor, 19:01 -
Petro Koçi në Report Tv: Berisha skenar ogurzi si i ’97-ës, fshihet pas qeverisë teknike! Protestë me akte guerrile, duhet të gjykohet edhe për 21 janarin
28 Nëntor, 19:01 -
I emëruar i Trumpit për emigracionin mbikqyri një valë deportimesh në të kaluarën
28 Nëntor, 18:37 -
Demush Shasha: Pozicioni më i rëndësishëm amerikan
28 Nëntor, 18:30
-
Endri Tafani: Takimi i Berishës me 'të rinjtë', PD duhet të ndërrojë urgjentisht marketingun politik!
28 Nëntor, 18:16
-
Lirimi i Berishës, Romeo Kara: Vendim i frymëzuar nga pazari politik! Ish- shoferi i tij gjyqtar i dha vulën e PD, kërcënoi trupën e prokurorëve! Kuçana: Kemi bërë gabime, në 2013 ikëm nga pushteti
28 Nëntor, 17:59 -
Lirimi i Berishës gëzon opozitën, mazhorancën dhe drejtësinë
28 Nëntor, 17:52
-
Akuzat e Bardhit në 2021: Suel Çela në shërbim të Berishës e Nokës, u mblodhi firma për Kuvendin e PD! Si përdori në të njëjtën periudhë Artan Hoxha foton e Ramës me Çapjan për ta sulmuar (VIDEO)
28 Nëntor, 17:00
