E vetmja gënjeshtër e madhe e serbëve në Kosovë është se ata ndjehen të frikësuar nga “regjimi” i shqiptarëve. Kjo është një gënjeshtër e cila nuk ka as bazë, dhe as mundësi faktike dhe mbi të gjitha as ndonjë politikë frikësimi reale.
Kur Beogradi thotë se serbët në Kosovë janë të frikësuar, kanë parasysh spekulimet që bëjnë me goditje grupesh kriminale ndonjë prej tyre dhe nga pakica serbe, apo shpeshherë gënjeshtra lidhur me pengesat në veprimtarinë fetare të klerit ortodoks në Kosovë.
Por sot i vetmi njeri që u del zot gënjeshtrave të Beogradit për frikësim të serbëve në Kosovë është fatkeqësisht kryeministri i Kosovës Albin Kurti. Duke komentuar vendosjen e barrikadave në Veri të
Kosovës, Kurti tha sot se “nga frika i vunë nga frika i hoqën”. Nuk di sa gjatë e ka menduar këtë batutën e dytë se disa ditë më parë tha “vet i vunë, vet i hoqën”, por kjo nuk i pëlqeu shumë pasi tregonte serbët i vënë e heqin kur të duan barrikadat.
Kjo e sotmja natyrisht që është shumë e rënd dhe është fiks ajo që do të dëgjoj Beogradi nga Kosova. Një kryeministër që flet se serbët e Kosovë s e kanë frikë dhe se kanë ngritur barikada të mbrohen prej tij e më pas i kanë hequr nga frika e tij.
Them se kjo ky qëndrim është vetëm një muzikë e ëmbël për veshët e Beogradit mes të tjerash se është dhe i pavërtet.
Barrikadat as u ngritën për tu mbrojtur nga Albin Kurti, as u hoqën nga frika e Albin Kurtit. Barrikadat ishin një demonstrim i pafuqisë së Albin Kurtit, në veri të Kosovës dhe nga ana tjetër shembull i qart i komandimit të politikës së serbëve të Kosovës nga Beogradi. E vërteta është se barikadat u vendosën nga Beogradi dhe u hoqën nga SHBA, kurse Albin Kurti ia heq përgjegjësinë Beogradit ashtu siç i heq meritat SHBA dhe i merr të dyja përsipër vet, dmth që i vunë dhe hoqën nga frika e tij.
Dhe gjithë justifikimi i Beogradit ka qenë se serbët në Kosovë janë të frikësuar ndaj duhet të mbrohen.
Fiks siç e tha Albin Kurti.
Dhe sikur të mos mjaftonte kjo deklaratë, një tjetër dhuratë e shtrenjtë për Beogradin ishte ndalimi i Partiarkut serb Porfirije të shkonte në Kosovë më 25 Dhjetor. Ndalimi i një autoriteti të lart fetar të Kishës Ortodokse Serbe për të vizatuar Kishat në Kosovë, është dhurata më e shtrenjte që mund ti bësh propagandës serbe për frikësim dhe pengim të të drejtave fetare të serbëve në Kosovë, çka nuk është e vërtetë.
Albin Kurti është i vetmi kryeministër që i ka serbët zot në shtëpi të vet dhe do të kapardiset sikur i frikëson. Ai është i vetmi kryeministër ku serbët janë të lirë të gëzojnë liritë fetare dhe ky u ndalon Patriarkun ti vizitojë.
Edhe një aktor Hollivudi të dërgonte Serbia në Kosovë tia bënte regjinë asaj çfarë i duhej të shikonte dhe dëgjonte bota nga serbët e Kosovës, nuk do t'ia bënte më mirë se Albin Kurti. Vetëm ky arrin ta thotë me gojë të vet një gënjeshtër vetëm se u duhet serbve, kur thotë se “nga frika i vunë barrikadat nga frika i hoqën”. Kaq i mjafton Vuçiqit të thotë që serbët në Kosovë janë të frikësuar. Vetëm ky mund të ndal Patriarkun e Kishës Ortodokse të hyj në Kosovë dhe pastaj të bëj sikur i jep leje për të respektuar një vasal serb që ka në kabinet, e jo se i takon të mos pengohet si autoritet fetar. Pra do tue dëshmojë se liria fetare është në dorë të tij.
Serbia nuk do më shume se kaq nga askush tjetër në Ksovë për të qenë e besueshme në gënjeshtrat e saj.
As politikanët serb të Kosovës nuk kanë mundur ti sigurojnë dot Beogradit fakte kaq të besueshme që qeveria e Kosovës frikëson serbët dhe u ndalon besimin fetar.
Në të vërtet qeveria e Kosovës as i frikëson, as iu ndalon gjë, përkundrazi është e frikësuar prej tyre, por ja që ka goditur një kryeministër që vetëm se do të bëj batuta patriotike, është gati të gënjej që se Serbia të ndjehet viktimë në Kosovë dhe ky të ndjehet si Mehmet Pushtuesi.
Lajme të tjera
-
Spahiu thirrje: Rama dhe Kurti të fillojnë bashkimin e Shqipëri-Kosovë në një shtet kombëtar
28 Nëntor, 21:16 -
Festa e Pavarësisë/ Shkrihen 'akujt', Rama dhe Kurti qëndrojnë krah për krah në Vlorë dhe të qeshur (VIDEO)
28 Nëntor, 19:40 -
Linja e mendimit e disa 'intelektualëve' italianë që ndërhyrjen e Nato-s në Kosovë vazhdojnë ta trajtojnë si agresion ndaj Serbisë!
28 Nëntor, 15:15
-
'Kosova është Serbi', autorët e mbishkrimit, pjesëtarë të ushtrisë në Mal të Zi
28 Nëntor, 13:06 -
Nipi i Adem Jasharit: Përfaqësuesja jonë, zgjedhja ime e vetme
28 Nëntor, 12:47 -
Kosovë/ Mësuesi akuzohet se hodhi në mbeturina flamurin kombëtar, përjashtoi nga ora nxënësen që mbante plis
28 Nëntor, 09:13
-
112-vjetori i Pavarësisë/ Urime nga Kosova, Kurti: Ky 28 Nëntor na gjen me projektin e Memorialit të Adem Jasharit! Osmani: Të bashkuar në zemër e shpirt
28 Nëntor, 08:40 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
RMV/ Ministri i Drejtësisë thotë se do zbatohen urdhër-arrestet e lëshuara nga Interpol për ish-pjesëtarët e UÇK-së
27 Nëntor, 19:14 -
Kimete Berisha: Gruaja misterioze!
27 Nëntor, 11:41
-
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07
