POP 5

Lajmet më të lexuara të 5 minutave të fundit

Opinion

Mero Baze: Për ata që duan ta festojnë si viti 'antiamerikan' i shqiptarëve 

Të vetmen arritje që i njeh vetes “Foltorja” e Sali Berishës, dhe mbështetësit e saj, për vitin 2022 është pretendimi që ata kanë se në vend është krijuar një frymë antiamerikane për shkak të lëvizjes së tyre.

Mero Baze: Për ata që duan ta festojnë si viti 'antiamerikan' i shqiptarëve 

Sali Berisha

Të vetmen arritje që i njeh vetes “Foltorja” e Sali Berishës, dhe mbështetësit e saj, për vitin 2022 është pretendimi që ata kanë se në vend është krijuar një frymë antiamerikane për shkak të lëvizjes së tyre. Por të frikësuar se ky do të mbetet një rekord i zi historik, nxitojnë të thonë se ky “antiamerikanizem” u shkaktuar nga politika e ambasadores Yuri Kim, Sorosit, Sekretarit te Shtetit Blinken e broçkulla të tjera. 

Në fakt i gjithë spekulimi qëndron tek pretendimi i gënjeshtërt se në vend është krijuar një frymë antiamerikane. Nuk është e vërtet. Përkundrazi në Shqipëri gjatë këtij viti ka pas betejë kundër SHBA por jo frymë antiamerikane. Beteja e dëshpëruar e SHBA e listës së personave “a non grata” dhe e Sali Berishës është luftë personale e tyre për të zbutur njollën e përjetshme si hajdut të korruptuar dhe minues të demokracisë. Në një farë mënyre është e justifikueshme që ata do të reagojnë.  

Por dhe ata vet të frikësuar nuk kanë bërë dot deri më sot asnjë betejë direkte kundër SHBA. Sali Berisha e nisi në fillim betejën kundër SHBA si betejë kundër Lulzim Bashës. Shpiku njëmijë gjëra për të, për të mbajtur gjallë luftën kundër SHBA pasi donte tu thoshte demokratëve se “ja kë mbështet SHBA, këtë që u ka bërë gjëmën”. 

Më pas kur Basha u tërhoq, Berisha e diversifikoi luftën kundër SHBA me çdo ngjarje të ditës që kishte. AI amplifikonte çdo lëvizje në drejtësi, çdo lëvizje në qeveri, çdo aferë korruptive apo deri dhe ngjarje kriminale, duke i lidhur me SHBA dhe mbështetjen e qeverisë amerikane për qeverinë shqiptare. Pra ai ka qenë për një vit në një betejë të përditshme kundër SHBA, duke u përpjekur ta bëj atë fajtore për gjendjen në PD për qeverisjen dhe çdo gjë tjetër që ndodhte, pa i dal vet ballas . Pra ai më shumë se sa betejë kundër SHBA është përpjekur të fitoj aleatë kundër SHBA duke mashtruar publikun.

Dhe nuk ja ka arritur. Sa më shumë e ka bërë agresive luftën kundër SHBA, aq më shumë i ka bindur dhe të vetët se me atë nuk ka perspektivë. Përpjekja e tij e dytë e gënjeshtërt është që të identifikojë mbështetjen e tij brenda PD si një kontingjent antiamerikan. Pra Berisha quan rritje të frymës antiamerikane në Shqipëri faktin që ai ka mbështetës brenda PD, të cilët e dinë që është në luftë me SHBA dhe janë sërish me të. 
Pra ashtu siç i ka të maskuara betejat me SHBA ashtu përpiqet të maskojë dhe mbështetësit e vet si mbështetës antiamerikane. Në të dyja rastet spekulon.  

Viti 2022 mund të vlerësohet pa frikë si viti kur SHBA ka vendosur standardet e saj për politikën shqiptare dhe drejtësinë, duke e konsideruar betejën kundër korrupsionit interes kombëtar të SHBA, dhe treguar me gisht njerëzit që SHBA nuk do bashkëpunojë kurrë në Shqipëri. Në krye të kësaj liste është Sali Berisha. Ky është bilanci më proshqiptar i SHBA ndonjë herë në Shqipëri. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nasi: 27/12/2022 14:11

    Po jo mor Mero. E kunderta ka njefare kuptimi. Pra viti "anrishqiptar" ne syte e Amerikes: me politiken e non gratave. Ah, nese e ke fjalen per Kryeministrin tene, Rame efendine, qe ia hoqi Amerikes "bashkepuntoret" ne krye te Policise dhe Shikut, dhe per nje cik ja hodhi me Spak, atehere po, mund ta quash si viti "antiamerikan". Bravo Mero se me ne fund e gjete.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Parashikimi i motit, e enjte, 26 dhjetor

Parashikimi i motit, e enjte, 26 dhjetor

26 Dhjetor, 07:43