Ka kaq kohë që Berisha, në përpjekje për t’u shpëlarë trurin militantëve të vet, lidhur me shpalljen “non grata” familjarisht nga SHBA, thotë se askush nuk gjen dot asnjë provë të vetme për të dhe familjen e tij, që është i korruptuar.
Në fakt, nëse llogarit shpenzimet publike të Sali Berishës vitin e fundit dhe sidomos muajin e fundit, mund të llogarisësh një faturë të frikshme. Transmetimet live në së paku 10 televizione, sa herë shfaqet në një aktivitet, takime të organizuara me regji në çdo qytet të Shqipërisë dhe Tiranë, skena masive protestash, salla luksoze ku bën promovime, mbulim me regji qendrore të çdo takimi e shpenzime të tjera të padukshme, përfshi dhe pagesat për figurantë në takime, shkojnë sipas një llogarie të thjeshtë vetëm muajin e fundit mbi 1 milion euro.
Llogarisni vet, që ky ka këtë intensitet takimesh, së paku prej një viti dhe shpenzimet e tij totale shkojnë nga 10 deri 12 milionë euro vetëm këtë vit. Këtu nuk po llogaris spotet e reklamave për fushatë që do të transmetojë apo shpenzime të tjera ekstra në fushatën e tij elektorale, e cila formalisht është e pambështetur nga qeveria.
Të gjitha këto para paguhen nga familja e tij. Djali, një pronar në hije i televizionit të familjes, ka vendosur administrator një ish- drejtor të lojërave të fatit, që ka qenë evazori më i madh i financave publike në vend, ndërsa i biri sekseri më i njohur i çdo tenderi dhe biznesi në këtë vend.
Dhe kanë bërë aq shumë lekë, sa dhe 10 vjet pas ikjes nga pushteti jo vetëm që nuk u kanë mbaruar, por duket që i kanë shtuar gjatë opozitës në bizneset e tyre në ndërtim, anembanë vendit.
Kompanitë e ndërtimit të lidhura me Shkëlzen Berishën dhe ndërtuesit që punojnë në emër të tij, janë aq të njohur në Tiranë, që nga kulla e fundit e dhënë në mes të Tiranës, e deri tek ndërtimet pa fund në Tiranë dhe Durrës që kanë, duke kapitalizuar kështu dhe pronat që kanë pasur në emër të të tjerëve në bregdet.
Kjo nuk është thjeshtë një provë e korrupsionit të families Berisha, por një karshillëk publik i korrupsionit të familjes Berisha ndaj drejtësisë shqiptare, ndaj SHBA dhe ndaj gjithë atyre që bëjnë ndonjëherë si budallenj e pyesin, “ore po pse nuk ka prova për korrupsion për Berishën”.
SPAK ka dy muaj që kontrollon çarçafët në vilën e ish- gruas së Arben Ahmetaj, për të provuar mos ka fjetur aty dhe ish- ministri, duke e marrë shumë seriozisht këtë rrugë të tërthortë provash, për t’i provuar përkatësinë mbi pronën.
Por e njëjta drejtësi në fakt bën sikur nuk shikon se me se financohet partia më e madhe anti-amerikane në vend, lëvizja më regresive në historinë e Shqipërisë, që cënon dhe partneritetin strategjik të Shqipërisë me SHBA.
Nuk ka provë më ulëritëse, nuk ka karshillëk më të madh dhe mbi të gjitha, nuk ka turp më të madh për drejtësinë shqiptare, e cila me kompromisin e saj ndaj Berishëve, po sfidon dizajnimin e familjes Berisha si të përfshirë në korrupsion madhor.
Nuk po flasim që nuk kanë hetuar asgjë nga çfarë kanë bërë, por bëjnë sikur nuk shikojnë lumenjtë e padeklaruar të parave që derdhen në skena dhe tribuna kundër SHBA, në emër të korrupsionit.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37
OK M.BAZE:Ne këtej ..kur Nuk i bëjmë dot gjë një të marri,Korruptuari,Vrasësi.. themi..Merrni një brisk XHILET dhe..por mos harroni shkumën..! Ndaj,antarët e SPAK+GJKKO..të blejnë nga një xhiletë dhe më radhë të shkojnë të ZYRA E PALLATIT SHUMË KATËSH QË I KA FALUR TROPOJANI B.ULAJ.Ky dhe shumë të tjerë OLIGARK si Ai e financojnë për Ato që shkruani Ju dhe shumë të tjera. -90 % e Popullit e di se Sb është FATKEQSI KOMBËTARE..POR U KA NGELUR XHILETA NË DORË.
PërgjigjuFiks e ke Mero..me te gjithe merret drejtesia e re vetem me salen nuk merret
PërgjigjuMire qe nuk bredh jashte vendit, si Rama, se do kish harxhu nja 20 mil euro me charter...mire qe nuk ka 5 gra ose ish gra se helbete donin nga nje kredit kart.... ore mire qe Sala as nuk ka neps te shteohet mengjes, dreke e darke me vere 1000 euro alla Tom Doshe, apo bifkteke 10 000 euro alla Balluku. E dime e dime, i ka kostot zero se i pagun shoku Luca....
Përgjigju“kulla e fundit e dhënë në mes të Tiranës„, kjo është e vërteta më e rëndësishme e këtij editoriali. Pra, që pushteti Rama Veliaj është bashkëpunëtore, ortake dhe pastruese e parave të pista të familjes Berisha.
PërgjigjuPo pse ke dyshime ti për këtë??? Dihet që dyshja Rama-Berisha kanë një partneritet të ndërsjelltë! Marrveshja është: Rama në pushtet deri në 2029, PD-ja historike në opozitë dhe e shkatërruar,Erion Veliaj drejtues i PS ( mbase mos o zot dhe kryeministër pas 2029)! Të gjitha këto vetëm që Berisha e familjarët e tij të mos shkojnë në burg! Sa për non grata nga USA, Sala nuk e ka hiç problem se dhe sigur të mos ish, mosha bo të vetën e një kapërcim i Atlantikut është i lodhshëm për të! Plus që ktu e ka Amerik e kalu Amerikës!