POP 5

Lajmet më të lexuara të 5 minutave të fundit

Opinion

Mero Baze: Pse Berisha nuk merr dot Veriun e PD?

Prej fillimit të “Foltores” një vit më parë, Berisha rezistencën kryesore e ka pasur në Veri të vendit, aty ku dhe PD është më e fortq. Ai thuajse nuk mori dot asnjë deputet në Kukës, Shkodër, Dibër dhe Lezhë, dhe pati problemë deri dhe me organizime tubimesh në Veri

Mero Baze: Pse Berisha nuk merr dot Veriun e PD?

Kreu i Rithemelimit, Sali Berisha

Prej fillimit të “Foltores” një vit më parë, Berisha rezistencën kryesore e ka pasur në Veri të vendit, aty ku dhe PD është më e fortq. Ai thuajse nuk mori dot asnjë deputet në Kukës, Shkodër, Dibër dhe Lezhë, dhe pati problemë deri dhe me organizime tubimesh në Veri.

Sot shumica e kryetarëve të degëve të PD janë sërish kundër tij dhe të angazhuar, duke pasur dhe mbështetje në bazë. Strukturat paralele që Berisha ka krijuar në emër të “Foltores” janë më të dobëta se ato të PD-së zyrtare.

Ky zhvillim nuk lidhet me krahinizmin apo qejfmbetjet e veriorëve ndaj Berishës. E kundërta mund të funksiononte. Ky zhvillim tregon realisht se Berisha nuk ka kontrollin mbi PD zyrtare, e cila praktikisht në Veri ka një shumicë dërmuese votash dhe konsiderohet faktor elektoral.

Ajo që ai shpall si sukses në Jug të Shqipërisë është një gënjeshtër, pasi në Jug, PD thuajse nuk ekziston më. Disa individë të mbetur dhe të papërfillur më parë, shikojnë tek Berisha rastin për të dalë në televizor, për të "zbuluar” që nëna e Xhorxh Uashingtonit ishte Maria nga Peja apo që të identifikohen si persona që i ka lënë pas dore Lulzim Basha.

Por dhe në Jug ato struktura të mbetura të PD janë qartazi kundër Berishës, por thjesht janë pakica të pakicës dhe nuk bien në sy.

Po ti shtosh kësaj krizën e dukshme të ”Foltores”, edhe për persona fizik që të votojnë, duke i hapur kutitë për njerëzit e rrugës apo talljen me gjithë arsyet për të cilat sulmoi Lulzim Bashën për demokracinë brenda PD, sot “Foltorja” e Berishës, ngjan thjesht si një skuadër pengmarrëse e ish- PD, e cila pa mbushur ende viti, i ka dhënë gjithë provat që e gjitha ishte një lëvizje për t’i dhënë imunitet politik Berishës përballë SHBA. Pas një viti, dhe zonja Kokalari e kuptoi që u lodh kot.

Përpjekja e Berishës që tani ta zëvendësoj PD që nuk i ka shkuar pas, me aleatët, edhe ashtu fals, të PD, për të mos u dukur vetëm, është edhe më qesharake. Nëse një vit më parë ishte Berisha ai që bënte thirrje që opozita të bashkohej rreth tij, sot ithtarë të “bashkimit’ të opozitës janë Mediu, Duka, Shehi, Ndoka etj, të cilët, nuk kanë asnjë fuqi përveçse të rrijnë bashkë me njëri- tjetrin e të luajnë letra, ose të pinë raki.

Edhe Ilir Meta që është një aleat i vogël, por real i opozitës, është duke u menduar nëse ja vlen t’i gjunjëzohet Berishës apo ja vlen ta gjunjëzojë atë. Deri tani po përpiqet ta gjunjëzojë.

E gjithë kjo e shpjegon më mirë pse Berishën po e surprizon Veriu i Shqipërisë, i cili nuk po e mbështet. Në fakt nuk po bën ndonjë surprizë të veçantë, por mungesa e mbështetjes bie në sy në Veri se aty ka PD. Aty ku nuk ka PD, siç është Jugu, nuk ka çfarë të bjerë në sy.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04