Ish- presidenti i Shqipërisë Ilir Meta mund të gjendet para veprës penale të falsifikimit të identitetit të tij. Është fjala për përdorimin e tij në kohë të ndryshme të dy emrave të tij, Ilir Meta dhe Ilir Metaj. Sipas një vendimi të Gjykatës së Lartë të vitit 2012, kur Ilir Meta ishte i pandehur, ai është identifikuar, hetuar dhe gjykuar me emrin Ilir Meta. Në një proces gjyqësor, ku ti deklaron identitetin tënd, ai verifikohet dhe me dokument ndihmës, siç mund të ketë qenë një pasaportë, ose karta e identitetit.
Normalisht i bie që Ilir Meta t’u ketë paraqitur gjyqtarëve të Gjykatës pasaportën e tij me emrin Ilir Meta.
Deri më tani nuk rezulton ndonjë vendim për ndryshimin e emrit të tij dhe pasaporta diplomatike që ai ka paraqitur, mund të jetë prodhuar sipas të dhënave që ai ka vetëdeklaruar në cilësinë e kryeministrit apo deputetit në vitet ’90, kur nuk kishte shumë rregulla strikt për këtë çështje.
Një skandal i tillë është bërë dhe me Fatmir Mediun, i cili është pajisur për një periudhë të gjatë me një pasaportë diplomatike me emrin Fatmir Medihoxha, ngaqë ishte në kërkim nga drejtësia italiane.
Të njëjtën gjë mund ta ketë bërë dhe Ilir Meta, të cilin e përndiqte e shkuara e tij.
Por këtu problemi rëndohet nga ana juridike, pasi Ilir Meta ka firmosur dekrete dhe vendime të rëndësishme me këtë emër dhe ato mund të kthen në “nul”, nëse ai nuk ka qenë emri zyrtar i tij. Nuk e kam fjalën që shkojnë dëm mijëra dekorata, por vendime të rëndësishme të shtetit shqiptar, pasi personi në fjalë ka qenë kryeministër, kryetar Kuvendi, dhe president, me këtë emër.
Kjo na bën të besojmë se ai ka pasur një dokument zyrtar me emrin Ilir Meta, por që e ka pasur të paligjshëm. Dhe kjo e penalizon. Prokuroria duhet të hetojë për këtë regjistrin e gjendjes civile dhe të marrë kopje të dokumenteve të identifikimit që ky ka paraqitur me emrin ilir Meta, kur ka kandiduar për deputet apo kur ka filluar punë në institucionet më të larta të vendit, kudo ku i ka përdorur ato.
Në këtë situatë, nëse ai e ka pasur këtë identitet të rregullt, pra e ka ndryshuar emrin nga Ilir Meta në Ilir Metaj, ka shkelur ligjin e dekriminalizimit, pasi nuk e ka deklaruar në formular ndryshimin e emrit, ndërkohë që pas vitit 2015 ka bërë plotësime formularësh me mbiemrin Metaj.
Por më e rënda do të jetë nëse ky ka përdorur mjet tjetër identifikues (me mbiemër Meta), që gjendet nëpër institucionet ku ka drejtuar dhe ndërkohë nuk ka një kërkesë të tij, plus vendim të organit competent, për ndryshimin e mbiemrit. Atëherë situata e tij është edhe më e rëndë, sepse i bie që ka krijuar dhe përdorur mjet identifikues të falsifikuar.
Ne e kuptojmë hallin e tij real, që ka të bëjë me problemin e së shkuarës së tij, por në këtë gjendje që është ai duhet të sqarojë se kë ligj ka shkelur, ligjin e dekriminalizmit duke mos deklaruar dy identitetet e tij, apo ligjin e falsifikimit të dokumenteve zyrtare, duke përdorur një identitet të rremë. Se në shtet nuk vlejnë pseudonimet e Sigurimit. Ato janë vetëm për operativin.
Për më tepër që SPAK ka një dosje nën hetim për të dhe familjen e tij dhe nuk jemi të qartë nëse po e heton si Ilir Meta apo Ilir Metaj. Se mund të ndodhë, që pasi të mbarojë hetimi dhe të konstatohet se Ilir Meta ka marrë financime të dyshimta nga një veprimtari korruptive që lidhet me një familjar të tij, ai mund të thotë “më falni por jam Ilir Metaj”.
Kështu që SPAK, e ka që e ka në dorë atë dosjen, le të merret me themel dhe me vërtetimin e identitetit të tij. Që të mos shpëtojë për ndonjë gërmë në fund dhe në fund të thuhet që Ilir Meta nuk ekziston. Siç u tha për videon me zë dhe figurë.
Komente
Lajme të tjera
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56
Dujet te gjithe buzebardhet si Meta tu verifikohet emri dhe dosja. Ashtu posi. Po kete gomarin veshgjate mavi per kur thua ta hetojne mor xha Merrua, sot si corbengrenes i amerikanit? Dje i gjermanit, frengut dhe italanit? Apo ne kohen e qemos, kur qe i pari bllokit me babane ne byro apo daine ne sigurim e parti??? Dhe ne ashtu themi, sa ta ndaje SPAK me gjithe spurdhjak, le te nginjet me shokun Ilir apo Sali.
PërgjigjuNjeriu me i korruptuar kerkon te luftoje korrupsionin. Kur njeriu ska fytyre si ai tjetri me qytetarin dixhital dhe ky mundohet te dale nga llumi ku eshte zhytur kembe e koke.
Përgjigju