Ambasadorja e SHBA në Tiranë Yuri Kim, u kërkoi sot tre forcave kryesore politike në vend të shmangin kandidatët me probleme në listat e tyre, si një shenjë e distancës që duhet të mbajnë ndaj lidhjeve të politikës me krimin.
Ajo vizitoi Partinë Socialiste, Partinë Demokratike dhe Partinë e Lirisë. Dhe si për ta ilustruar seriozitetin që SHBA ka në distancimin e politikanëve problematikë, ajo natyrisht refuzoi të takojë dikë nga grupimi i atij që quhet “Grupimi i Berishës” në opozitë, për shkak se ata kanë kryetarin me probleme, jo kandidatët.
Izolimi i Berishës nga faktori ndërkombëtar është tani fakt i kryer. Por më i dhimbshëm se izolimi i tij, është fakti që partneri i tij Ilir Meta është ende i pa izoluar dhe e takojnë në vend të Berishës.
Praktikisht Ilir Meta është mbështetës zyrtar i kandidatëve të Berishës, por kjo nuk e ka penguar ambasadoren ta takojë atë. Kjo do të thotë se SHBA nuk ka problem me të tjerët, përveç Berishës, nuk ka problem me ata që kandidojnë apo partnerët e tij. SHBA ka problem konkretisht me Sali Berishën.
Tani, nëse Ilir Meta do të ishte vërtet ashtu siç mbahet, besnik parimor ndaj Berishës, nuk kishte pse e priste zonjën Kim në seli, se në fund të fundit ai është mbulesa ligjore e Berishës në këto zgjedhje.
Ai e ka kundërshtuar shpalljen e Berishës “non grata” dhe duhet të refuzojë dhe selektimin e ambasadores brenda familjes.
Por me sa duket ai nuk e ka fshehur dot joshjen për të pasur një privilegj më shumë në raport me Berishën brenda koalicionit me të. Dhe ky privilegj është fakti që ai ende është njeri që mund ta shpëtojë PD e Berishës, nëse i bashkohet atij, pasi ai është i pranueshëm nga ndërkombëtarët.
Nuk di sa e gëzon apo e mërzit Berishën kjo gjë, por është e qartë që Ilir Meta në një nga dy tavolinat është hipokrit, ose në tavolinë me zonjën Kim, ose në tavolinë me zotin Berisha.
Në fakt, të gjithë e dimë që është hipokrit me zonjën Kim, por ajo nuk mërzitet, se nuk ka shkuar t’i marrë besën, por t’i tregojë qëndrimin e SHBA. Problemi është se Berisha ka paranojë nga “besëprerët’.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Pra znj. Kim ka kerkuar nga PS te nderprese kesaj radhe kandidimet e te denuarve apo trafikanteve te droges. Per sy e faqe. Shume mire eshte kjo. Arritje.
Përgjigju