Sali Berisha ka zhvilluar sot një takim me deputetët që mbështesin atë dhe u ka kërkuar që të angazhohen të gjithë që Gazmend Bardhi të ketë mundësi të organizojë një mbledhje ditën e enjte, për tu konsideruar si mbledhje e Këshillit Kombëtar të Partisë Demokratike. Bëhet fjalë për një mbledhje me ish anëtarë të këtij Këshilli që tani janë me Berishën, që të delegjitimojë Kuvendin e zgjedhjes së Bashës.
Ka pasur disa hezitime nga deputetët që mbështesin Berishën. Kushti i parë i tyre ka qenë, që të njohin Berishën për kryetar. Të tjerë më pak servilë, kanë shprehur dyshimet se mbështetja ndaj Bardhit dhe Tabakut do të dëshpërojë demokratët, pasi Bardhi ka paditur partinë e Berishës.
Por Berisha ka qenë i prerë në kërkesën që ata të dy duhen mbështetur me çdo kusht, mjaftojnë që t'i bashkohen grupit të tij.
Në të vërtetë nga e gjithë kjo energji e harxhuar për makinacione brenda ish-PD, bie në sy fakti se i vetmi që është në krye të punëve për ta mbajtur PD e ndarë është Berisha dhe këtë jo përmes betejash të hapura dhe parimore, po përmes kulisave si këto.
D.m.th. Berisha është gati t'i japë hua anëtarë të Këshillit të tij Kombëtar, dy deputetëve që ende nuk i ka në grupin e tij, me qëllim që ata të bëjnë një gjest publik kundër Bashës dhe pas kësaj, ai t'i marrë ata dhe t'i shpërblejë brenda grupit të vet, me shpresë se kështu bën shumicën e grupit parlamentar, pasi ata kanë dhe 5 deputetë të tjerë pas vetes.
Kjo stërlodhje numrash, kulisash, tradhtish, besnikërish të pështira, dhe mbi të gjitha kjo përpjekje për të vazhduar telendisjen publike të opozitës nga vetë Berisha, shpjegon gjithçka se çfarë është ai për opozitën dhe pse ajo nuk mund të ngrejë kokë, derisa ai do ta trajtojë atë si mall të vetin.
E zëmë për një moment se Berisha do t'i bëjë të gjitha këto. Edhe Bardhi do bëjë një mbledhje, edhe pastaj do bashkohet me Berishën edhe Luli do zgjidhet kryetar, edhe do ketë secili nga një vulë, edhe do t'i japin dhe një vulë tjetër Berishës…Në fund e gjithë kjo prodhon më shumë dëshpërim në opozitë se sa sikur secili prej tyre të kishte bërë nga një parti.
E vetmja gjë që ka kuptim, është që Bardhi të shkojë tek partia e Berishës si kryetar i saj, duke eliminuar Berishën si shkak i ndarjes së opozitës dhe pastaj të vazhdojë betejën kundër Bashës për ndarje ose bashkim me të.
Por kalimi nga vartësi i Bashës, në vartës të Berishës, tregon më shumë makthin që ka Bërisha nga Lulzim Basha, se sa vlerën që kanë ish-vartësit e Bashës për Berishën.
Berisha e do fushën e pastër në opozitë dhe ka kuptuar se Basha dhe mbështetësit e tij, aq sa janë nuk i hapin rrugë. Ndaj është në betejë të kompromentojë politikisht çdo kënd që ka qenë mbështetës i Bashës, duke bërë pazare të tilla, me qëllim, që të mos kenë asnjë të ardhme në politikë, duke i djegur si politikanë të pavlerë.
Në këtë aspekt ai mund të ketë sukses të djegë Bardhin, Tabakun dhe të tjerë pas tyre, duke i bërë pis në fund të betejës, madje ta zvogëlojë dhe Lulin, por përsëri ai nuk e pastron dot fushën nga antiberishizmi. Ai nuk e ka problemin me Lulzim Bashën. Edhe me atë mund të bëjë pazar. Ai e ka problemin me 30 për qind e opozitës së sotme, që Berisha as e fsheh dot, as e fshin dot. Pasi ata nuk duan asgjë në këmbim. Duan që të ikë Berisha.
Komente
Lajme të tjera
-
Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!
24 Nëntor, 19:21 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17
Telendisje?
PërgjigjuBerishës si njeri i uroj jet të gjat. Ndërsa si politikan të largohet nhë orë e më parë. Vetëm vitin 1997 të kujtosh dhe deklarimin e tij"po un i hapa depot e armëve" ky njeri meriton gjënë me të rëndë që mund të dënohet.
Përgjigju