Ka një ndryshim të fortë të mënyrës se si e ndolli Berisha protestën në emër të “bashkimit’ dhe si e shiti pastaj, si protestë kundër sekretarit Blinken dhe SHBA.
Para protestës tha se kjo protestë bëhet për të festuar bashkimin e opozitës dhe të vërtetën e dënimit të tij. Gazetarë të tij e përsëritën qartë këtë në komentet e tyre televizive apo në portale.
Pas protestës e ndryshoi “motivin”. Të njëjtët menjëherë e konsideruan protestën një përgjigje për vizitën e sekretarit Blinken, që mbështeti regjimin e Tiranës dhe injoroi Berishën.
Ashtu si u maskua për gati dy vjet duke sulmuar Lulzim Bashën si besëprerë për të maskuar betejën me SHBA, tani po përpiqet të bëjë të kundërtën. Po përpiqet të festojë bashkimin me Gazment Bardhin, dhe ta paraqesë dhe këtë si një protestë kundër SHBA, meqë Bardhi preu në besë SHBA për të.
Në të dyja rastet ne e dimë ku e ka hallin. Hallin e ka tek SHBA dhe aty është i sinqerte. Është në të drejtën e tij të bëjë luftë me ta, se e kanë turpëruar në pleqëri duke e sanksionuar si hajdut familjarisht, si minues të demokracisë dhe shantazhues të sistemit të drejtësisë.
Por betejën me të duhet ta bëjë hapur, jo herë duke u fshehur pas Lulzim Bashës si besëprerë i tij, në favor të SHBA, e herë duke u fshehur pas Gazment Bardhit si besëprerë i SHBA, në favor të tij.
Ai e ka tani një fraksion anti-amerikan të vendosur në opozitë dhe mund t’i gëzohet kësaj arritje të tij. Edhe për Shqipërinë është më mirë një fraksion ant-iamerikan legal, i sinqertë, në rrugë institucionale, që përfaqësohet prej tij, se sa njerëz arrivist që flasin në emër të SHBA , shkojnë e bëjnë foto në SHBA dhe thonë jemi njerëz të amerikanëve në politikë, për t’i shpëtuar gjyqeve, për të marrë ndonjë votë, apo për të shantazhuar Berishën t’i fusë në listë.
Kjo ëndrra e tij që Shqipëria të vërshojë në rrugë kundër Blikenit nuk do të realizohet kurrë. Nuk ka pse e pretendon atë. Ndaj Blinkenit mund të protestojnë vetëm njerëzit e tij, ithtarët e bindur të tij, që e kanë lidhur fatin politik me të.
Dhe nuk e kuptoj pse Berishës i duhet të thotë që kishte pjesëmarrje të lartë, pasi njerëzit tani janë të numërueshëm. Atij i bëjnë punë dhe 30 vetë poshtë penxheres, e jo më 3 deri 4 mijë vetë në bulevard.
Në fund të fundit, ai e di që nuk i shkojnë qytetarët në protestë.
Kur shkojnë qytetarët, protesta është e popullit, nuk është më e tij. Ai nuk ka nevojë për protesta të popullit. Ai do protestat e “popullit” të tij. Dhe ata që ishin dje, janë populli i tij.
Nëse ai do të ishte i bindur që do t’i dilnin ata 3 deri 4 mije vetë, mund ta thoshte më parë që këtë protestë e kemi kundër sekretarit të Shtetit. Nuk është pak të nxjerrësh 4 mijë vetë kundër sekretarit të Shtetit. Problemi është që ai beson se njerëzit e tij gëzohen më shumë që u ka shkuar Gazi dhe Salianji, se sa mërziten që ka ardhur Blinken në Shqipëri.
Edhe për këtë i duhet që për të sulmuar Blinkenin, t’i marrë “borxh” Gaz Bardhit protestuesit, që festonin rikthimin e tij tek burri i parë./Tema
Lajme të tjera
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Ironia e Spahiut: A do vazhdojë protesta nesër, apo deputetët do ikin me pushime?
23 Dhjetor, 21:23 -
Policia përgënjeshtron Berishën: Gjekmarkaj s’u dhunua, u ndje keq dhe iku! Keqardhje për Nokën, goditi efektivët! Janë evidentuar shkelësit, do procedohen
23 Dhjetor, 20:14
