POP 5

Lajmet më të lexuara të 5 minutave të fundit

Opinion

Mero Baze: Trajtimi special i Berishës nga drejtësia e re

Ka një debat politik dhe një debat juridik, mbi mospërfilljen që Berisha po demonstron ndaj vendimit të Gjykatës për të mos respektuar masën e sigurisë detyrim paraqitje

Mero Baze: Trajtimi special i Berishës nga drejtësia e re

Sali Berisha

Ka një debat politik dhe një debat juridik, mbi mospërfilljen që Berisha po demonstron ndaj vendimit të Gjykatës për të mos respektuar masën e sigurisë detyrim paraqitje.

Debati politik i nxitur nga Berisha është se ai ka interpretimin e tij për vendimin dhe nuk e pranon, çka është një përpjekje për ta kthyer në betejë politike një vendim gjykate.

Debati juridik ka të bëjë me faktin se a duhet Gjykatat të mbrojnë vendimet e tyre pasi dikush refuzon t’i zbatojë ato.

Rasti i Sali Berishës, pasi janë konsumuar të gjitha afatet për zbatim vendimi, tregon se në Shqipëri po instalohen dy standarde të zbatimit të ligjit. Fjala vjen, Ilir Beqaj, ish- ministër Shëndetësie, i cili po hetohet për procedurat e një PPP, ka detyrim paraqitje të shkojë çdo të premte në Gjykatë. Dhe ai çdo të premte shkon në Gjykatë, firmos dhe ikën. Rreth 20 gazetarë e presin tek dera dhe e pyesin se çfarë bëri ato 4 minuta që hyri brenda dhe ai ua shpjegon.

Për Sali Berishën as pyetje nuk bëjnë më, pasi u duket normale që ai nuk ka pse zbaton ligjin dhe vendimin e Gjykatës. Ja ka arritur ditës t’i bindë të gjithë, se ai nuk është si të tjerët dhe nuk mund të zbatojë ligje dhe vendime gjykatash që nuk i pëlqejnë.

Në orarin që ai duhet të ishte në gjykatë, ai ishte duke ndezur karriget e Kuvendit me Flamur Nokën dhe duke dhënë intervista në Facebook-un e tij.

Këto dy shembuj tregojnë njëkohësisht dy standardet e përballjes me ligjin të dy zyrtarëve të lartë, por nga ana tjetër dhe dy standardet që lejon drejtësia për masat e sigurisë që lëshon vetë.

Natyrisht nuk kam ndërmend t’i jap receta Gjykatës se si të mbrojë vendimet e veta, pasi për sot ka një Kod të Procedurës penale, që i përcakton fare qartë. Në rast refuzimi të kësaj mase, merret një masë më shtrënguese, që i bie të jetë arrest shtëpie, ose leje nga Kuvendi për ta shoqëruar me policë.

Problemi është se injorimi i këtyre procedurave për Sali Berishën, shoqëruar dhe me zbutjen e masës së sigurisë për dhëndrin e vet, që është i vetmi vendim që Gjykata nuk “noterizon” kërkesën e SPAK, krijon perceptimin e zbythjes së drejtësisë përballë Berishës.

Nuk është se kam ndonjë dëshirë që Berisha të shkojë doemos në burg apo dhëndëri i tij doemos në qeli. Nuk jam as partizan i atyre që thonë se Berisha i bën këto, që ta fusin në burg dhe të bëhet hero. Por Berishët nuk mund të kenë trajtim special nga ligji. 

Vendimi për detyrim paraqitje për Sali Berishën tani është kthyer në vendim për paraqitje sipas dëshirës, dhe në të vërtetë ka bërë qesharake gjithë procedurën e SPAK dhe vendimin publik se ai është nën hetim.

Deri tani ky vendim ka shërbyer vetëm për të ndihmuar Berishën të premtojë revolucion, dhe për të djegur në Kuvend, herë karriget e rivalëve e herë tavolinën e Lulzim Bashës. 

Ah po! Edhe për të bërë Argitën kryetare të partisë. Po këto do t’i bënte dhe pa bërë sikur po e hetonin./Tema

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • minushe: 06/12/2023 09:38

    e tmerrshme karshilleku perpara ligjit SPAK dhe GJKKO ku jeni? apo me njerezit e tjere te edukuar dhe te sjellshem beni ligjin ju???

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

26 Dhjetor, 15:20