POP 5

Lajmet më të lexuara të 5 minutave të fundit

Kronikë

Krimet mjedisore, gjobiten me 7 milionë lekë gjashtë subjekte në Fier dhe në Berat

Një subjekt në Fier është gjobitur nga Inspektoriati Kombëtar i Mbrojtjes së Territorit pasi ky subjekt kryente kryente veprimtari të marrjes së materialit inert pa leje në shtratin e lumit Seman.

Krimet mjedisore, gjobiten me 7 milionë lekë gjashtë subjekte në Fier dhe në Berat

Foto ilustruese

Gjashtë subjekte, një në Fier dhe 5 në Berat janë gjobitur nga Inspektoriati Kombëtari i Mbrojtjes së Territorit, për krime mjedisore.  

IKMT ka ushtruar kontroll në guroret në zonën e Beratit  dhe në Urën Vajgurore, ku u konstatua mungesë dokumentacioni gjatë ushtrimit të veprimtarisë së prodhimit dhe përpunimit të gurit.

Ndaj këtyre subjekteve IKMT mori masë administrative me gjobë 1 milion lekë secili, për shkeljet e kryera.

Ndërsa një subjekt në Fier është gjobitur nga Inspektoriati Kombëtar i Mbrojtjes së Territorit pasi kryente kryente veprimtari të marrjes së inerteve pa leje në shtratin e lumit Seman.

Sipas njoftimit të policisë, për shkeljen e kryer subjekti "Alesio 2014" shpk është gjobitur me 2 mln lekë.

IKMT dhe Policia e Shtetit thotë se vijon punën evidentimin dhe parandalimin e ndotjes mjedisore në lumenjtë e vijat ujore në vend si dhe ndëshkimin e çdo kundërvajtësi. Po ashtu policia fton çdo qytetar të denoncojë shkeljet në numrin 112 ose përmes Komisariatit Dixhital.

Një ditë më parë Bashkia e Rrogozhinës u gjobit nga IKMT për mosmarrjen e masave për ndotjen e basenit të lumenjve. Pak javë pasi u ndëshkua kompania e pastrimit në Rrogozhinë “Viola-Green SHPK” që derdhte mbetjet në lumin Shkumbin, IKMT gjobit edhe Bashkinë e Rrogozhinës në vlerën e 2 milion lekëve. Pavarësisht deklaratës publike në Report Tv të kryebashkiekes, Antonela Dedej se do të rehabilitohej zona e do mbilleshin fidanë, kjo bashki nuk ka lëvizur as gishtin për të pastruar territorin...situata vijon të jetë e njëjtë me mbeturina e për pasojë është ndëshkuar me gjobë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54