POP 5

Lajmet më të lexuara të 5 minutave të fundit

Sociale

Mësues e pedagogë njëzëri: Gjuha dhe Letërsia të ndahen nga njëra-tjetra, domosdoshmëri e kohës

Lënda e gjuhës shqipe duhet të ndahet nga ajo e letërsisë në gjitha arsimin paraunivesitar. Një kërkesw e tillë vjen e përsëritur nga pedagogë e mësues sipas të cilëve kjo ndarje do të ndihmojë më shumë nxënësit për të perfeksionuar të shprehurit dhe të shkruarit.

TIRANË- Gjuha shqipe dhe letërsia duhet të zhvillohen si lëndë mësimore të ndara.  Është ky opinion që ndajnë pedagogët dhe mësuesit e Gjuhës dhe të Letërsisë. Pas kërkesave të vazhdueshme të ngritura nga gjuhëtarët ndarja e gjuhës shqipe dhe letërsisë u bë vetëm për shkollat e mesme.

Mësuesja e Letërsisë në gjimnazin Petro Nini në Tiranë, Orjana Osmani shprehet për ReportTV se ndarja si lëndë mëvete ndihmon nxënësit në  përfeksionimin e të shkruarit dhe eleminimin e gabimeve drejtshkrimore ku calojnë sot shumë të rinj.

“Çfarë ka ndodhur ekzaktësisht në ndarjen e këtyre dy lëndëve? Në në gjimnaz nuk është se bëjm mirfilli gjuhë shqipe ashtu si ata e bëjnë në klasën e nëntë, bëhet një program i integruar krahas teksteve joletrare, ata bëjnë dhe njohuri gjuhësore të cilat janë në funksion të këtyre teksteve. Sigurisht që edhe tekstet kanë ushtrime gjuhësore , por ato shikohen në këndvështrimin e ndihmës që i japin nxënësit në të shkruarën duke qenë se ky ishte dhe arsyeja kryesore e futjes së gjuhës shqipe në gjimnaz duke qenë se nxënësit bënin jashtëzakonisht gabime në të shkruar.”-u shpreh mësuesja e letërsisë Orjana Osmani.

Ndërkohë për pedagogen e Gjuhë-Letërsisë, Elsa Skënderi ndarja e lëndëve duhet bërë për të gjithë arsimin parauniversitar pasi pasojat e kësaj shkrirje krijon një boshllëk njohurish gjuhësore tek nxënësit.

“Profesionistë dhe pedagogë të të dyja fushave kanë pasur rezervat e tyre në lidhje me këtë shkrirje sepse në të vërtetë nuk është arritur asnjëherë një integrim mjaft i mirë it ë dyja disiplinave. Veçanërisht pasojat i kemi parë ndër vite madje mund të jenë mbase të reflektuara edhe tani sa u takon njohurive gjuhësore sepse përgjithsisht prirja ishte që mësuesit të bënin temat e letërsisë dhe temat e gjuhës qofshin këto tema gramatikore apo drejtshkrimore të liheshin pas dore, kësisoj nxënësit kishin njohuri të pamjaftueshme dhe të cunguar gjuhësor.”- u shpreh pedagogia Elsa Skënderi.

Nga ana tjetër lidhur me këtë propozim të gjuhëtarëve, mësuesja e gjuhë letërsisë në shkollën 9-vjeçare, Albana Xhaho tha se kjo shkrirje mes dy lëndëve ka qenë një domosdoshmëri e kohës.

“Unë mendoj që u bë një domosdoshmëri e kohës shkrirja dhe integrimi i këtyre dy lëndëve me njëra-tjetrën, se nuk mund të kemi një gjuhë të pastër pa një tekst letrar dhe nuk mund të kemi një tekst letrar pa një analizë gjuhësore të mirëfilltë. Kështuqë mendoj në këtë kuptim në një formim të përgjithshëm të nxënësve u vjen në ndihmë atyre pasi të mësuarit me kompetenca që është një risi e viteve të fundit nxjerr domosdoshmëri fitimin e disa aftësive për jetën.”- u shpreh mësuesja Albana Xhaho.

Ndërkohë gjuhëtarët nuk ndalen në thirrjet ndaj qeverisë për t’i kushtuar shqipes politika të veçanta dhe financime për mbrojtjen e saj.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gege Kosova: 12/11/2019 09:34

    Kjo eshte nje domosdoshmeri e kohes, qe kur edhe ne Fakultet jane ndare Gjuha shqipe dhe Letersia shqip, ne katedra te vecanta,Kete me se miri me competence e thojne profesoret qe punojne ne keto katedra,Nuk eshte njesoj te mbaje ne gjimnaz leksione gjuhe,mesimdheneisi qe ka studiuar Leteresine shqipe,edhe pse ai ka percjll edhe leksione gjuhe.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça