Meta 'dhëmbë për dhëmbë' me Komisionin Hetimor: I drejtohem Venecias për shkeljen e Kuvendit për anëtarët e Kushtetueses

Presidenti i Republikës bën me dije se, do t’i drejtohet Komisionit të Venecias në lidhje me shkeljet kushtetuese të Kuvendit të Shqipërisë, në procesin e zgjedhjes së dy anëtareve të Gjykatës Kushtetuese, ku sipas Presidencës zgjedhjet janë bërë pa garë dhe në kundërshtim me radhën që dikton Kushtetuta dhe kriteret e ligjit për organizimin e Gjykatës Kushtetuese.

Lajmin e ben me dije zedhenesi i presidentit, Tedi Blushi, mes nje shenimi ne faqen e tij ne Facebook.

"Nuk mund të frenojmë askënd, e aq më pak Kuvendin e Shqipërisë, të kërkojë këshilla miqësore apo të kundërshtojë në Komisionin e Venecias, Dekretin e Presidentit të Republikës Sh.T.Z Ilir Meta, për emërimin e anëtares së Gjykatës Kushtetuese në plotësim të vakancës së tij.

Shteti Shqiptar ka një marrëdhënie të konsoliduar me Komisionin e Venecias dhe institucionet që vendosin t’i drejtohen këtij organi këshillimor, duhet ta ushtrojnë këtë të drejtë objektivisht dhe jo për përdorim politik.

Megjithatë nëse Kuvendi, do të vijojë me rrugën e zgjedhur dhe vërtet dëshiron të shterojë objektivisht këtë çështje, Presidenti i Republikës bën me dije se, do t’i drejtohet Komisionit të Venecias në lidhje me shkeljet kushtetuese të Kuvendit të Shqipërisë, në procesin e zgjedhjes së dy anëtareve të Gjykatës Kushtetuese, si zgjedhje të bëra pa garë, pa mundësi zgjedhjeje, vetëm me një kandidat, dhe në kundërshtim me radhën që dikton Kushtetuta dhe kriteret e ligjit për organizimin e Gjykatës Kushtetuese." shrkuan zëdhënësi i Presidentit Meta, Tedi Blushi. 

Lajmi kryesor:

Shkarkimi i Metës/ Hetim edhe për ngërçin në Kushtetuese, Komisioni i drejtohet Venecias dhe thërret Dvoranin dëshmitar (VIDEO)

TAG:
• Ilir Meta
• ULSI MANJA
• Komisioni Hetimor per Meten