Euforia e e fitores së merituar të Kombëtares nuk duhet të nxjerrë jashtë vëmendjes situatën e përmbytjeve në jug të vendit . Kjo kërkesë vjen nga kryeparlamentari Ilir Meta i cili u shpreh se situata duhet mbajtur nën kontroll.

“Patjetër që duhet bërë akoma më shumë. Unë kam qenë në ndjekje të siatuatë me ministrin Panariti dhe Haxhinasto. Situata është shqetësuese se pritet edhe në ditët e ardhshme të ketë mot të vështirë, shpresoj që gëzimi i këtij kualifikimi të merituar të mos cojë në zbehjen e vëmendjens ndaj një problemi real dhe mjaft shqetësues që ndeshin qytetarët në jug të vendit,. Dhe shpresoj të merren masat e nevojshme”, tha Meta.

Kryetari i parlamentit e bëri këtë deklaratë pas një takimi me përfaqësues të shoqatave shqiptare në Itali, ku dhe u firmos një marrëveshje bashkëpunimi për njohjen e votës së emigrantëve 

“Shqiptarët në Itali, por dhe kudo në Evropë e botë kanë dhënë e japin një kontribut të jashtëzakonshëm për zhvillimin, progresin dhe integrimin e vendit tonë dhe do të vazhdojnë ta bëjnë këtë gjë edhe në të ardhmen. Ndaj, shpreh vullnetin tim për të drejtën e votës së emigrantëve kudo ku ata jetojnë, që të kenë të drejtë bazike për t’u shprehur për të ardhmen e vendit të tyre, por njëkohësisht edhe për të mbështetur krijimin e gjithë institucioneve që do ta forconin më tej dialogun mes vendit tonë dhe gjithë qytetarëve tanë kudo ku ata janë. Kjo do të rrisë kujdesin tonë ndaj tyre në të gjitha aspektet, sepse mbetet ende shumë për të bërë në këtë drejtim dhe ne jemi një vend që ka një emigracion të lartë, ndaj kemi nevojë për ta mbështetur akoma më shumë ketë potencial”, u shpreh Meta.

Lidhur me marrëveshjen marrëveshjen e nënshkruar Meta tha:
“Marrëveshja përmban dhe prioritete të tjera si ajo e forcimit të identitetit shqiptar përmes promovimit të gjuhës shqipe. Ka ardhur momenti kur institucionet shqiptare duhet të bëjnë një kapërcim cilësor në këtë drejtim, pasi ne jemi një forcë aktive në integrimin e Shqipërisë. Mund të krijohet dhe një ministri Diaspore, ndaj propozimet tona ia paraqitëm kryetarit të Kuvendit, që ai të bëhet përcjellës tek forcat politike shqiptare në parlament”, tha përfaqësuesi i emigrantëve.
I pyetur nga gazetarët për situatën e përmbytjeve në qarkun e Fierit dhe Vlorës, Meta u përgjigj se situata është shqetësuese dhe se duhet të bëhet më shumë.
“Kam qënë në lidhje të vazhdueshme me ministrin e Bujqësisë dhe ministrin e Transporteve për situatën, e cila është shqetësuese, ndërsa pritet që dhe në ditët në vijim të ketë mot të vështirë. Shpresojmë që gëzimi i këtij kualifikimi të merituar të kombetares sone te mos çojë deri në një problem real shqetësues për qytetarët tanë në Jug të vendit. Shpresoj qe per kete te merren të gjitha masat”, 

Meta theksoi do të informohet edhe Kuvendi për të parë nëse ka nevojë për fuqizimin e institucioneve të shtetit që kujdesen për emigrantët dhe diasporën. Ai tha se lidhur me marrëveshjet e përmendura do të informohet edhe Kuvendi për të parë nëse ka nevojë për fuqizimin e institucioneve të shtetit që kujdesen për emigrantët dhe diasporën. 

Redaksia online
(s.m/shqiptarja.com)