I rrethuar nga të rinjtë, presidenti Ilir Meta ka bërë një denoncim duke thënë se 77% prej tyre po largohen nga vendi për shkak të rrogave të ulëta.

Ai tha se duhet të merren masat për të ndalur shpopullimin e Shqipërisë duke ju garantuar të rinjve punë të mirëpaguara.

Meta ka qenë i pranishëm në një aktivitet me të rinjtë ku kanë folur mbi shpopullimin dhe vështirësitë e që hasin ata në vendin tonë. Ai tha se i ftoi ata dhe bashkëmoshatarët e tyre, të organizohen për të qenë lokomotiva e ndryshimit dhe e mirëqeverisjes, që sjell progres.

“77% e të rinjve duan të ikin për shkak të rrogave të ulëta!

Të ndalim shpopullimin e Shqipërisë duke ju garantuar të rinjve punë të mirëpaguara!”, shkruan Meta.