POP 5

Lajmet më të lexuara të 5 minutave të fundit

Politikë

Meta refuzon të paraqitet në seancën dëgjimore, Stojku: Puna e Komisionit nuk pengohet, vendimi merret edhe në mungesë të tij

Arsyetimi që Presidenti Ilir Meta i parashtroi Komisionit Hetimor për të mos qenë në seancë dëgjimore, Edmond Stojku  është një akt i rëndë për një zyrtar të lartë. Sipas tij ky refuzim nuk e pengon komisionin. Stojku shprehet se komisioni do të vazhdojë punën hetimore, dhe  vendimi mund të merret në mungesë të tij

Të rëndë dhe akt jo normal e quan anëtari i Komisionit Hetimor Edmond Stojku, refuzimin e Presidentit Meta për tu paraqitur në seancë dëgjimore.  

‘Ka patur arsyetime të mos prezencës së tij në komision, arsye qe janë të rënda të thëna drejtpërdrejtë nga goja e Presidentin. Që thotë se nuk njeh komisionin dhe parlamentin, duke cilësuar rastet procedurale të mos pranisë së tij për shkak të agjendës, por në raste të tilla, çdo zyrtar është i detyruar të ndërpresë agjendën për të qenë prezent.’- tha Stojku.

Po çfarë ndodh nëse presidenti nuk paraqitet në komisionin hetimor deri në datën 24, afat përfundimtar i caktuar nga Komisioni Hetimor?

‘Në aspekte juridike, në mungesë, të pandehurit të  gjithë proceset Administrative gjyqësore vazhdojnë, kështu do të ndodh edhe me komisionin hetimor, procesi nuk ndalon për asnjë lloj arsye, mbahet procesverbali dhe vazhdon punën me analizën e tyre’- tha më tej anëtari i Komisionit Hetimor.

Edhe pse presidenti Ilir Meta e ka refuzuar kërkesën për të qenë prezent, Komisioni hetimor i ka vendosur në dispozicion  kohën nga data 19 deri në datë 24 Maji për ta dëgjuar  në  varësi të agjendës së tij.

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53