X

POP 5

Lajmet më të lexuara të 5 minutave të fundit

Politikë

Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim

Ilir Meta ka risjellë në vëmendje nismën që mori Kuvendi, vetëm me votat e PS, për ta shkarkuar atë nga posti i Presidentit. Një vit më parë Gjykata Kushtetuese rrëzoi kërkesën e Kuvendit ndërsa sot Meta shkruan se ende nuk ka një reagim nga Prokuroria e Posaçme për denoncimin që ai ka bërë për Kuvendin se ka falsifikuar frimën e ish-kryetarit Gramoz Ruçi.

Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim

Ilir Meta

TIRANË- Ilir Meta ka risjellë në vëmendje nismën që mori Kuvendi, vetëm me votat e PS, për ta shkarkuar atë nga posti i Presidentit. Një vit më parë Gjykata Kushtetuese rrëzoi kërkesën e Kuvendit ndërsa sot Meta shkruan se Prokuroria e Posaçme ende nuk ka nisur hetimet për denoncimin që ai ka bërë për Kuvendin se ka falsifikuar frimën e ish-kryetarit Gramoz Ruçi.

Në një postim në ‘Facebook’, Meta shkruan se Kuvendi i ‘Rilindjes’ ka arritur që të falsifikojë firmën, ndërsa u bën thirrje qytetarëve që më datë 3 mars të marrin pjesë në protestën e thirrur nga Berisha për të mbrojtur demokracinë.

"Një vit më parë "Rilindja" humbi betejën e saj të paturp për të shkarkuar Presidentin e Republikës në Gjykatën Kushtetuese. "Rilindja" në këtë mënyrë i kishte humbur të gjitha betejat e saj me Presidentin e Republikës edhe në Komisionin e Venecias. Ndërkohë edhe sot e kësaj dite nuk ka një reagim nga SPAK se ç'bëhet me denoncimin e Presidentit të Republikës një vit më parë kur po ky Kuvend i "Rilindjes" që shihni sot falsifikoi firmën e ish-Kryetarit të Kuvendit në Gjykatën Kushtetuese kundër Presidentit.

Falenderoj të gjithë ekipin tim gjatë detyrës si President i Republikës, në veçanti të gjithë qytetarët për përkrahjen e tyre dhe sidomos popullin e 2 Marsit që u ngrit në këmbë në mbrojtje të Kushtetutës. Në 3 Mars le të gjëmojë më fort zëri i popullit në mbrojtje të demokracisë, më i vendosur se kurrë për të realizuar Ndryshimin e Madh që po afron", shkruan Meta. 

Ilir Meta akuzon Kuvendin se aso kohe ka falsifikuar dokumentet për shkarkimin e tij nga posti i Presidentit. Sipas Metës, Kuvendi për të qenë brenda afateve ka falsifikuar datën por edhe përmbajtjen e urdhrit të ish-kryetarit Gramoz Ruçi. Sipas Metës, urdhri që Kuvendi depozitoi si provë Kushtetueses mbante datën 5.5.2021, në faqen e Kuvendit të Shqipërisë urdhri që u publikua mbante datën 06.052021 dhe më pas edhe në Kuvend u votua me këtë datë. Pasi Gjykata Kushtetuese rrëzoi kërkesën e mazhorancës, Meta iu drejtua SPAK me një padi kundër Kuvendit se ka falsifikuar dokumentet.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Allegri 'largon' Chiesan: Ka ende për të mësuar, Cagliari ndeshja më e rëndësishme e sezonit

Allegri 'largon' Chiesan: Ka ende për të mësuar, Cagliari ndeshja më e rëndësishme e sezonit

18 Prill, 22:30