Meta rendit arsyet pse thirri protestën: Drejtësia u kap prej fyti nga sekti anti-shtet

Presidenti Meta gjatë fjalës në podium para njerëzve të mbledhur në shesh ka renditur arsyet se pse e thirri këtë protestë. Ai tha se drejtësia është kapur prej fyti dhe se ajo bëhet me regji nga sekti anti-shtet.

'Presidenti thirri popullin sepse i shteroi të gjitha përpjekjet institucionale e demokratike për të parandaluar kapjen e shtetit dhe grushtin e shtetit. E thirra popullin se pse pasuria kombëtare po vidhet çdo ditë dhe ajo është e gjithë shqiptarëve. Drejtësia është kapur prej fyti nga sekti antishteti. Kemi drejtësi me regji që godet të varfrit dhe të pambrojturit dhe mbron ato pranë shtetit. Skandalet që denoncon KLSH bien  në vesh të shurdhët, ekonomia është në ditët më të errëta, oligarkët kontrollojnë kuvendin njëpartiak. Të gjithë janë të barabartë para ligjit, por ky nen u shkel vetëm për favorizim të oligarkëve. Ligjit nuk mund t'i jepet fuqi prapavepruese në kundërshtim me kushtetutën, që oligarkët të mos paguanin asnjë tatim për fitimet e tyre. Kjo mazhorancë në mënyrë mafioze rrëzoi brenda natës në terr të plotë për ligjin e dividentit. A mundet që një investitor i huaj të besoj në ligjet e këtij vendi? A mundet bizneset e vogla të besojnë, që po falimentojnë çdo ditë? Ndërkohë këto gropa financiare i paguani ju. Ky nuk është shtet i së drejtës dhe i qytetarëve.' tha Meta

 

Lajmi kryesor:

2 orë tubim/ Meta: Pas 15 marsit firmos shpërndarjen e parlamentit!...Kërcënon të mësyjë Kuvendin nëse 'dekreti nuk merret seriozisht' (VIDEO)

TAG:
• Ilir Meta
• lulzim basha
• monika kryemadhi
• shperndarja e parlamentit
• tubim me 2 mars