Meta takon ambasadorin çek: Të punojmë për integrimin e Shqipërisë në BE

Presidenti Ilir Meta ka zhvilluar një takim me ambasadorin e Çekisë në vendin tonë, Karel Urban. Meta shkruan se ka konfirmuar vullnetin e partisë që ai drejton që të forcojnë marrëdhëniet mes dy vendeve,

Duke qenë se Republika Çeke ka Presidencën e radhës të Këshillit të Bashkimit Europian, Meta thotë se kanë diskutuar edhe për integrimin e Shqipërisë në BE, në mënyrë që të ndrëmerret çdo hap që përshpejton reformat.

“Kënaqësi të prisja sot në një takim të veçantë Ambasadorin e Republikës Çeke në Tiranë, z. Karel Urban. Konfirmova vullnetin e Partisë së Lirisë për të kontribuar në forcimin e marrëdhënieve të shkëlqyera mes dy vendeve tona dhe në veçanti për të forcuar bashkëpunimin në procesin e integrimit dhe anëtarësimit në BE të Shqipërisë.

LEXO EDHE:
Lufta poshtë brezit për dominimin e opozitës

Mirëprita gatishmërinë e Çekisë, si vend që ka edhe Presidencën e radhës të Këshillit të Bashkimit Europian, për procesin shumë të rëndësishëm teknik të negociatave për anëtarësim. Shpreha gjithashtu vendosmërinë për të ndërmarrë çdo hap që përshpejton procesin e anëtarësimit të Shqipërisë në BE, përmes reformave të qëndrueshme dhe të besueshme, me prioritet kryesor forcimin e ligjit dhe luftën ndaj krimit dhe korrupsionit”, shkruan Meta.

SI.E./Shqiptarja.com

TAG:
• integrimi ne be
• karel urban
• Ilir Meta