POP 5

Lajmet më të lexuara të 5 minutave të fundit

Politikë

Meta takon Moore: Të rivendoset
besimi dhe konsensusi në KQZ

Kreu i Partisë “Lëvizja Socialiste për Integrim” ka takuar pasditen e sotme, Drejtorin për Europën Qendrore dhe Jugore në DASH, Jonathan Moore. Pas takimit, Meta tha se tema kryesore e bisedimeve ka qenë situata në KQZ, ecuria e këtij procesi dhe miratimi i 3 ligjeve. (Foto: Takimi Meta-Moore)
TIRANE- Kreu i Partisë “Lëvizja Socialiste për Integrim” ka takuar pasditen e sotme, Drejtorin për Europën Qendrore dhe Jugore në Departamentin Amerikan të Shtetit, Jonathan Moore, i cili shoqërohej nga ambasadori i SHBA në Shqipëri, Alexander Arvizu.
 
Në një dalje për mediat pas takimit, Meta tha se tema kryesore e bisedimeve ka qenë situata në Komisionin Qendror të Zgjedhjeve, ecuria e këtij procesi dhe miratimi i 3 ligjeve.
 
“Kemi folur për ecurinë e zgjedhjeve dhe mundësinë e miratimit të tre ligjeve ditën e enjte nga Kuvendi i Shqipërisë, si një akt i përgjegjshmërisë së përbashkët të gjithë forcave politike, për të mundësuar integrimin europian të vendit, i cili mbështetet fuqishëm nga SHBA”, tha kreu i LSI.
 
Meta tha se ka marrë vlerësime nga Drejtori për Europën Qendrore dhe Jugore në DASH, për insistimin e vazhdueshëm.
 
“Kemi biseduar për të arritur një kompromis për miratimin e 3 ligjeve, të cilat do krijojnë mundësi për marrjen e statusit brenda këtij viti. Po kështu, miratimi i tyre do krijojë një situatë pozitive sa i përket fushatës zgjedhore. Është e rëndësishme që gjithë ky proces më shumë se fituesit t’i shërbejë vendit”, shtoi Meta.
 
Lidhur me situatën e krijuar në KQZ dhe ngërçin për plotësimin e anëtarëve, Meta tha se “gjatë takimit me zotin Moore bëra të qartë interesin tonë që të rivendoset besimi, konsensusi dhe integriteti i këtij institucioni, por në çdo rast, kam shprehur vendosshmërinë tonë, për të marrë pjesë në të gjitha proceset e administrimit në të gjitha nivelet, për të garantuar mbarëvajtjen e procesit në 23 qershor”.
 
Sa i takon shtyrjes së një debati të hapur Berisha-Rama, dhe mundësisë së zhvillimit të një debati Berisha-Meta, kreu i LSI, tha se “kryeministri dhe kreu i Partisë Socialiste kanë 4 vite që e kanë lënë për të zhvilluar një debat. Kështu që Berisha të çojë përpara debatin me zotin Rama, edhe unë këtu jam, i gatshëm për debate”.
 
Ndërsa shtoi se “më e rëndësishme është që Berisha të kuptojë se është shumë e rëndësishme të mos ndryshojë mendje për çështjen e 3 ligjeve deri të enjten, dhe të kontribuojë për të ecuri sa më të mirë të zgjedhjeve”.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03