Meta: Të larguarit nga administra, do
rikthehen në punë pas 23 qershorit

FIER - Kreu i LSI-së Ilir Meta gjatë takimit me strukturat e partisë në Fier, vlerësoi se aleanca me Partinë Socialiste është solide dhe e natyrshme, ndërkohë që shtoi se tashmë rotacioni është i domosdoshëm dhe i pashmangshëm. Meta, gjatë fjalës së tij vlerësoi se largimet e krerëve të institucioneve në prag të zgjedhjeve parlamentare ‘janë hakmarrje politike, primitive’.

Duke iu referuar zhvillimeve politike në vend, pas largimit të koalicionit me PD, e cila solli dhe kërkesën e kësaj të fundit për largimin e anëtarit të LSI-së Ilirjan Muho nga KQZ, Meta vlerësoi se veprimi i mazhorancës është jashtë ligjit dhe antikushtetues.

Meta premtoi se ato që largohen nga punë, do të kenë sërish postin e tyre pas zgjedhjeve parlamentare të 23 qershorit, ndërkohë që nënvizoi se një parti e vetme nuk mundet që të qeverisë vendin. Ndërkohë që gjatë takimit të djeshëm në Fier, kreu i LSI -së Ilir Meta, prezantoi po sot nënkryetarin e Partisë Petrit Vasili, si drejtuesin e fushatës në Qarkun e Fierit.

Ndërkohë që nga qyteti i Elbasanit, i deleguari i LSI, Edmond Haxhinasto ka lëshuar një deklaratë të fortë politike lidhur me shkarkimin që kërkohet t1i bëhet anëtarit të Komisionit Qëndrorë të zgjedhjeve, Ilirjan Muho.

Përpjekjet për ndryshimet në KQZ janë një përpjekje joligjore që mazhoranca aktuale kërkon ta bëjë me qëllim për të vendosur kontrollin absolut mbi ketë institucion të rëndësishëm kushtetues. “LSI është kundër këtyre ndryshimeve ndaj do të kërkoje që të mos shkelet ligji sië kërkon të bëjë mazhoranca”, tha ai.

Shkrimi u botua sot në gazetën Shqiptarja.com (print) 14.02.2013

Redaksia Online
(b.m/shqiptarja.com)

TAG:
• kqz