Hetimet e SPAK/ Meta: "Më pyetën si ke dhënë leje për ndërtime në Gjirin e Lalëzit ku ke edhe vilën, dhe kush e ka mobiluar"

TIRANË- Pas marrjes në pyetje për 3 orë nga Prokuroria e Posaçme, e cila po kryen një hetim të thellë pasurorë në lidhje me çiftin Meta-Kryemadhi, Ilir Meta pranoi se ka dhënë leje për ndërtime në Gjirin e Lalëzit, ku edhe ka një vilë dykatëshe me sipërfaqe 317 m2. Meta tha se kush ka kërkuar leje për të ndërtuar fshatra turistë ka marrë, ndërsa theksoi se kjo i ka dhënë zhvillim vendit. Për të inauguruar kompleksin Lura shtoi Meta, ka shkuar me helikopter pasi me makinë duhej 4 orë.

Meta ka treguar për gazetarët së është pyetur në lidhje me njohjet me disa persona e me veprime të bashkëshortes së tij Monika Kryemadhi për blerjen dhe arredimin e vilës në Gjirin e Lalzit. Meta tha se me llogaritë merrej Kryemadhi, ndërsa merrej me politikë.

‘Përveçse seanca e sotme ishte një turp i vërtetë të pyesësh Ilir Metën, a e njeh Alberto Rancinin?

LEXO EDHE:
U kallëzua nga PD për abuzim me fondet e COVID-19, SPAK nis hetimet për Ogerta Manastirliun! Aktualisht ministre e Arsimit

Nga përgjimet del se të ka bërë dhuratë për ditëlindje te Gjiri i Lalëzit ‘palma’?

Alberto i Luleve i thashë shkoni more shikojeni taman?! I ka sjellë lulet dhe i ka marrë pas 24 orësh!

Si mund t'i thuash Ilir Metës a ke dhënë leje për kompleksin Lura në Gjirin e Lalëzit... që i ka dhënë zhvillim gjithë vendit atje.

A ka njeri që ka kërkuar leje për të ndërtuar fshatra turistik në atë kohë dhe nuk ka marrë leje. Shkoje në Gjirin e Lalëzit atë kohë dhe duhet të ikje me kalë se makina nuk shkon. Kur kam inauguruar kompleksin kam shkuar me helikopter se doje 4 orë të shkoje atje.

Si mund ti thuash Metës a e njeh Elenën që ka qenë punojnë financash te LSI? Ta ka dhënë Elena ty 5000 dollarë në 2006.

Mua Elena të më jepte kaq, që i keni në një numër llogarie bashkë me bashkëshorten tënde. U thash shkoni pyesni atë.

Ke takuar ti Palmerin? Po sigurisht që e kam takuar. Të gjitha këto bëhen me një qëllim për të spostuar vëmendje nga skandalet e Edi Ramës.’- tha Meta.

Përforcoi qëndrimin se me lëvizjet e parave është marrë bashkëshortja e tij Monika Kryemadhi, duke i faturuar çdo veprim bankar.

"Nuk kam pasur asnjë përgjegjësi, të gjitha i ka Monika, unë jam marrë me politikë, këtë e bëj mirë. Ajo ka përgjegjësinë financiare dhe ka qenë në mirëbesim. Merren me histori, më pyesin mua a diskutuar ti me Monikën në shtëpi? Këto veprime që ka bërë Monika në llogarinë e vet, përralla të tilla, as çështje pronash as financiare nuk kam pasur asnjë përgjegjësi, çdo përgjegjësi i ka pasur Monika, e kanë pasur mysafire, unë merrem me politikë", tha ai. 

A nuk mendoni se po e rëndoni pozitën e Monika Kryemadhit me këto deklarata?

Meta: Jo nuk rëndoj asnjë pozitë për arsye se kjo është e vërtetë dhe besoj se kjo i ka mbajtur të gjitha llogaritë sipas ligjit.

Pas thirrjes në prokurorinë e Posaçme, tonin e akuzave e përforcoi edhe në drejtim të kreut të SPAK Altin Dumanit.

‘Është një vegël qorre e Edi Ramës. Unë nuk kam patur asnjëherë besim te SPAK. U krijua në mënyrë të paligjshme. Kemi qenë të detyruar të mbështesim SPAK dhe këdo dhe nuk ka arritje të SPAK. SPAK vetëm ka qëmtuar denoncimet që ka bërë opozita. SPAK është aleati më i verbër i Edi Ramës, përdoret për të mbajtur nën presion mediat, opozitën.’- tha Meta.

Meta nuk pranoi t’i përgjigjej pyetjes nëse është thirrur në cilësinë e personit në dijeni apo si i paditur, por tha se është gati të përballet me të gjithë, madje edhe me ata përtej oqeanit.

‘Unë do të ballafaqohem kudo, me fundërrinat e ramaformës, këtu, matanë oqeanit, ku të kenë dëshirë!’- tha Meta.

G.K/xy/Shqiptarja.com

TAG:
• Altin Dumani
• spak
• Partia e Lirise
• Ilir Meta