POP 5

Lajmet më të lexuara të 5 minutave të fundit

Sport

Milan–Barça,sfidë yjesh në ‘San Siro’

Pas një mungese për shkak të ndeshjeve të fundit eliminatore të Botërorit të Brazilit sonte në mbrëmje rikthehet Champions League me sfidat më kulminante të këtij edicioni.
Pas një mungese për shkak të ndeshjeve të fundit eliminatore të Botërorit të Brazilit sonte në mbrëmje rikthehet Champions League me sfidat më kulminante të këtij edicioni. Kështu, Milani do të presë ekipin e Barcelonës në ‘San Siro’ në një super ndeshje, e cila do të vendosë edhe ekipin e parë të grupit, pavarësisht se akoma nuk kanë mbaruar ndeshjet e para. Por nëse Milani aspiron vendin e parë në grup duhet që me cdo kusht të mund ekipin e Barcës sonte. Dy gjigantët e Evropës vijnë në ndeshjet e sotme nga një javë me rezultate të ndryshme. Barcelona është ndalur pas shumë javësh në një barazim me Osasunën në transfertë, teksa Milani ka fituar me një gol të Birsës të shtunën në Seria A.

Pavarësisht ndeshjes së fundit dhe formës së dy ekipeve, Barcelona është favorite e padiskutueshme e mbrëmjes. Për fat të keq kësaj super sfide do ti mundojë një emër shumë i lakuar në botë si Mario Baloteli, i cili vuan nga një dëmtim. Stafi kuqezi është duke bërë maksimumin për ta pasur në fushë, por koha punon në kahun e kundërt të dëshirës së milanistëve. Por, lajmi i mirë është që në fushë do të jetë Rikardo Kaka. Braziliani është rikthyer pas dëmtimit disa javor, sytë e të gjithëve do të jenë të përqendruar te ai, por a do të shpëtojë fantazisti i vetëm Milanin nga furia katalanase me Mesin që është rikthyer pas pushimit prej 2 javësh. Në prag të ndeshjes trajneri Martino shprehet se në Milano do të kërkojë maksimumin.

“E vlerësoj ekipin e Milanin për historinë dhe grupin me të cilin këtë edicion pretendon, por ne do të luajmë për fitore. Ndeshjen e vlerësojmë dhe shpresoj që të marrin më të mirën e mundshme. Grupi është në gjendje të mirë dhe gati për të zbritur në fushë”. Ndërsa trajneri i Milanit, Alegri pavarësisht mungesave që ka në ekip për shkak të dëmtimeve ka besim te pesha e fanellës kuqezi në Champions League. ‘Barcelona është ekip i fortë, këtë e dinë të gjithë. Por, ne nuk kemi frikë, e respektojmë kundërshtarin, por do të tentojmë një rezultat pozitiv. Vijmë pas një ndeshje të mirë në fundjavë, e cila na motivon akoma më shumë’. Ndër ndeshjet e tjera që spikasin më shumë është padyshim Dortmund-Arsenal. ‘Topcinjtë’ e Vengerit do të përballen me provën e parë të vërtetë këtë edicion, në të cilin nuk janë ndalur as në Angli dhe as në Evropë. Në krahun tjetër Borusia kryeson me Bayerin.  Sfida vendos për ekipet që do të kalojnë më tej, pasi në rast të fitores së Arsenalit dhe Napolit, gjermanët janë me një këmbë jashtë Championsit.

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Kur Berisha drekonte me Xhorxh Soros, Filantropi: Jam shumë i lumtur që njerëz të mbështetur nga fondacioni, janë të asociuar edhe me Saliun (VIDEO)

Kur Berisha drekonte me Xhorxh Soros, Filantropi: Jam shumë i lumtur që njerëz të mbështetur nga fondacioni, janë të asociuar edhe me Saliun (VIDEO)

28 Janar, 22:43