Presidenti i Kroacisë, Zoran Milanoviç, tha sot se nisma Ballkani i Hapur është e kotë nëse Kosova nuk përfshihet si palë e barabartë në të. Ai i bëri këto komente në Prishtinë, ku po qëndron në një vizitë zyrtare gjatë së cilës zhvilloi takime me udhëheqës të institucioneve të Kosovës.
“Nëse nisma është me qëllim të mirë, atëherë në të duhet të përfshihen të gjitha shtetet e këtij rajoni, Kosova është shtet dhe është njohur nga shumica e vendeve të Bashkimit Evropian. Në anën tjetër, nëse është e kundërta atëherë çështja është se cilat janë motivet prapa kësaj”, tha ai duke nënvizuar se nëse lihet anash Kosova atëherë dihet qartë se cilat janë motivet prapa kësaj nisme.
Presidenti kroat tha se qeveria serbe është më shumë e interesuar të qëndrojë në pushtet dhe nuk e ka përparësi integrimin në Bashkimin Evropian.
“Serbia duhet të vendosë vetë se çfarë dëshiron. Ndërsa këto lëvizje me nismën Ballkani i Hapur, epo nuk është më viti 1914. Në rregull le të lëvizin njerëzit lirshëm, por pa Kosovën qëllimet janë të qarta pra nuk janë edhe aq të njerëzishme”, tha ai.
Presidentja e Kosovës, Vjosa Osmani tha se alternativa e vetme për Kosovën është procesi i Berlinit, si një nismë gjithpërfshirëse dhe ku të gjitha shtetet janë të barabarta.
“Në momentin që Serbia heq dorë nga tendencat destabilizuese ndaj rajonit, në momentin që Serbia e njeh Kosovën si realitet i pakthyeshëm, si realitet që po ecë përpara dhe assesi nuk do të kthehet prapa, atëherë dikush mund ta marrë seriozisht deklaratën e (Aleksandër) Vuçiçit se i intereson bashkëpunimi rajonal”, tha presidentja Osmani.
Presidentja Osmani tha militarizimi i Serbisë tregon se cili është qëllimi i tij i vërtetë. Presidenti kroat tha se nuk sheh rrezik për Kosovën nga armatosja e Serbisë viteve të fundit.
“Nuk është duke ndodhur asgjë përveç se shteti fqinj është duke u armatosur, me armë më të cilat mund të zhvillojë një luftë jo më gjatë se 15 minuta derisa nuk përfshihet NATO apo dikush tjetër dhe sa i përket kësaj nuk shoh ndonjë rrezik për Kosovën, nuk ka”, tha presidenti kroat, i cili do të takojë gjatë vizitës në Kosovë rreth 130 ushtarë të vendit të tij që shërbejnë në kuadër të misionit paqeruajtës të NATO-s në Kosovë.
Dy ditë më parë Komisionari i Zgjerimit në BE, Oliver Varhelyi tha se mbështet nismën 'Open Balkan', duke theksuar se e sheh atë si pasardhës të Procesit të Berlinit. Varhelyi u shpreh se tregu i përbashkët rajonal do të sjellë zhvillim ekonomik, teksa i kërkoi liderëve të tre vendeve që të vijojnë të nxisin këtë nismë. Edhe njëherë Varhelyi i kërkoi 3 vendeve që nuk i janë bashkuar kësaj nisme, Kosovës, Malit të Zi dhe Bosnje dhe Hercegovinës që t'i bashkohen sa më shpejt.
Në samitin e "Ballkanit të Hapur" dy ditë më parë në Tiranë të tre liderët, Edi Rama, Aleksandër Vuçiç dhe Zoran Zaev kërkuan përkushtimin e vendeve të tjera të rajonit, përkatësisht Kosovës, Malit të Zi dhe Bosnjë e Hercegovinës, që deri tani kanë refuzuar pjesëmarrjen në këtë nismë.
Lajme të tjera
-
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Zyrtare/ UEFA me dorë të fortë, Kosova humbet 3-0 ndeshjen e braktisur në Bukuresht për racizëm! Rumania gjobë 128 mijë euro dhe një sfidë pa tifozë! FFK: E apelojmë në CAS
20 Nëntor, 15:12 -
Trajneri i Rumanisë ofendon Kosovën: Gënjejnë si njerëz të paturpshëm
19 Nëntor, 16:24 -
Jashari 'ëngjëll dhe djall', Kosova mposht me vështirësi Lituaninë! UEFA nis hetim për ndeshjen në Bukuresht
19 Nëntor, 15:20 -
Skandali në Rumani/ FFK: Thirrjet raciste 'Kosova është Serbi', e ofendimet të pranishme gjithë ndeshjen, futbollistët mbrojtën dinjitetin e shtetit të tyre! UEFA të veprojë
16 Nëntor, 11:38 -
Transferta me Rumaninë, Foda i Kosovës njofton ndryshime: Luajmë vetëm për fitore
15 Nëntor, 14:33 -
Liga e Kombeve/ Kosova kërkon vendin e parë, transfertë delikate në Bukuresht! Spanjës i duhet një pikë, luhet Zvicër - Serbi
15 Nëntor, 12:16 -
'Panucci më ftoi në Kombëtare, ia lashë derën hapur', Edon Zhegrova: Takova Vokrrin dhe zgjodha menjëherë Kosovën
12 Nëntor, 14:11 -
Kurti për marrëveshjen e Uashingtonit: Së pari ajo e Brukselit
11 Nëntor, 15:30 -
Kosovë/ Drafti për asocacionin nuk do dërgohet në kushtetuese, qeveria: Non paper, jo detyrues! Serbia s'e ka pranuar
9 Nëntor, 22:29
-
Zgjedhjet Presidenciale në SHBA/ Me Harrisin pak pritje për Kosovën, me Trumpin turbullira
3 Nëntor, 16:08
