Kryeministri Edi Rama zhvilloi sot një takim në Kukës me banorët në kuadër të turit 'Bashkia që duam' ku zbuloi emrin e kandidatit për kryetar bashkie në zgjedhjet e 30 qershorit. Ai do të jetë Presidenti i ekipit të futbollit të Kukësit, Safet Gjici. Militantët demokratë tentuan dy herë të blokojnë kreun e qeverisë gjatë vizitës në Kukës, por nuk ia arritën.
Prita te Rruga e Kombit, Shehu: Rama dhe të bëjë kujdes kur flet
Pas njoftimit se Rama do të udhëtonte në Kukës, militantët e opozitës ne kryetarin e bashkisë në krye udhëtuan drejt Rrugës së Kombit me pankarta në duar për t'i bllokuar rrugën, por kreu i qeverisë arriti në qytetin verilindor me helikopter dhe takimin e zhvilloi në aeroportin Kukësit. "Edi Rrama nuk ka sesi të luajë me fatet e kuksinëve, kemi vënë tra simbolik sepse jemi në tokën tonë. Në mënyrë absolute nuk kemi asnjë komunikim se cfarë do të bëhet me aeroportin, le ta nxjerrë lejen e KKT-së. Mos të luajë me fatet e kuksianëve. Kryetari i PS dhe prefekti nëse janë kopsht zoologjik të thotë. Unë nuk e dua fare mandatin tim nëse shkelen të drejtat e njerëzve. Ne nuk jemi njerëz që ngjitemi në pemë, të ketë trup Edi Rama dhe të bëjë kujdes kur flet me kuksianët. Qeveria Rama është e rënë. Nëse ai ka një informacion të vetëm për gjithë kryetarët e bashkive që ka PD-ja, unë i pari që sot jap dorëheqjen dhe nuk e dua këtë mandat" tha Bashkim Shehu.
Por ndërsa e prisnin që të kalonte nga Rruga e Kombit, Rama fluturoi me helikopter në Kukës. Pasi mësuan lajmin, simpatizantët e PD-së u nisën drejt aeroportit. "Edi Rama me shpenzimet e shtetit ka refuzuar të kalojë nga rruga dhe ka shkuar me helikopter në aeroportin e Kukësit. Për t'i thënë Edi Ramës që nuk je i mirëpritur në Kukës" ishte reagimi i dytë kryebashkiakut. Ndërsa disa nga simpatizantët e tjerë demokratë u shpreh "jemi pa bukë. Shtyjeni kordonin deri tek ura, të kthehet mbrapsht të shkojë në shtëpinë e tij nuk ka cfarë kërkon këtu".
Prita e dytë te aeroporti, Shehu: Të pyetet bashkia për investimet
Por deri sa Bashkim Shehu dhe demokratët e tjerë udhëtuan nga Rruga e Kombit ku i kishin zënë pritë kryeministrit deri në aeroport ku u mbajt takimi, takimi me qytetarët kishte përfunduar dhe Rama fluturoi sërish për në Tiranë. Ndërkohë që situata mes policisë dhe protestuesve u tensionua për disa minuta. Në momentin që arriti te aeroporti, por kryeministri kishte ikur, Bashkim Shehu pas akuzave kundër tij kërkoi që bashkia e Kukësit të pyetet për cdo investim që do të bëhet në aeroport. "E pamë sesi kryeministri vijoi me shprehjet, barbarët dhe derrat, por ai nuk e di që në Kukës nuk janë rritur kurrë derra. Tregon degradimin e tij. Jemi të hapur për investimet në aeroport, por të ngrihet një komision me përfaqësues edhe të bashkisë, ky aeroport është dhuratë e Kukësit. Jemi kundër grabitjes së pronave të kuksianëve. Sot janë mbyllur të gjitha shkollat, pasi administrata ka qenë në takime".
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
