Ata janë pothuajse çdo ditë në faqet e mediave të shkruara dhe vizive, ata janë çdo ditë në podiumet e sallës së konferencave për shtyp, duke lexuar deklarata “bombastike”, duke shfaqur “video alarmante”, apo duke nxjerrë emra, mbiemra dhe përemra vetorë dhe lidhorë, për pushtetarët.
Ata janë kudo, por në ballë të opozitarizmit jo. Ata nuk bëjnë opozitë, ata nuk merren me partinë e tyre që po shkërrmoqet nga qendra deri në bazë, ata nuk merren me gjetjen e rrugëve për bashkëpunim institucional me shumicën qeverisëse, por thjesht merren me “skupe” të ardhura nga “qytetari dixhital”.
Dhe janë pikërisht ata, “ministrat” e Partisë Demokratike që popullin e shohin si tufë me dele, që hallet dhe problemet e popullit i shohin në raport me pushtetin e tyre të humbur. Edhe pse ka mbi 2 muaj që qeveria po merret intensivisht me pergatitjet dhe projektet e rindërtimit të fshatrave dhe qyteteve të prekura nga tërmeti i tmerrshëm i 26 Nëntorit, ata “ministrat” e Partisë Demokratike për asnjë moment, nuk e kanë harruar “lugën dhe tepsinë e pushtetit”.
Në çdo fjalë, fjali dhe akuzë që shigjetojnë, apo edhe në çdo denoncim që bëjnë, çekani i tyre rreh për pushtetin. “Të ikë Rama, të vijmë ne, të ikë Rama, sepse vendin e anëtarësojmë ne në BE, të ikë Rama, sepse vetëm ne e bëjmë rindërtimin”. Dhe në fakt, rindërtimin si askush tjetër e “bëjnë” ata që mbushën Durrësin (dhe Shqipërinë) nga Gjiri Lalëzit deri në Golem me pallate 12 deri 24 katëshe, e bëjnë ata që nuk lanë pyll me pisha pa prerë, duke ngritur fshatra e kolibe turistike , që sot janë kthyer në pocaqi.
Ata nuk ndalen, ata karikohen çdo ditë në selinë e partisë, dhe nisen yrysh përpara, drejt “fitorjeve të reja”. Mjafton ti shohësh e ti dëgjosh se si “ministrat” në pritje të Partisë Demokratike, janë në sinkron me kryetarin dhe Doktorin, dhe askush nuk ka kurajon të dalë nga rreshti, dhe të tregojë sa vlen. Ata duken si të programuar, të porositur për të nxirë çdo gjë, sepse sipas kryetarit Basha “pushteti mbi të gjitha, ndryshe ikni edhe nga lista e 2021 për deputetë”.
Çdo njëri prej tyre, qëndron me ankth dhe pret me sytë dhe veshin nga kryetari Basha, çdo njëri prej tyre mundohet të ngrejë sa më shumë zërin para kamerave, të ripërsërisë me dhjetra herë togfjalëshin e trashëguar “qeveria e krimit dhe e korrupsionit”, për të marrë kreditet e nevojshme për zgjedhjet e 2021. Ata më të fituarit natyrisht janë emrat e listës për “ministra”, dhe kjo e drejtë ekskluzive, është 60 per qind e Doktorit, dhe 40 per qind e Lulzim Bashës.
Lum ai, që e ka emrin tek lista e “ministrave”, pasi qysh tani kanë nisur të mbushin dynjanë me premtime se “sa të marrim pushtetin, ti drejtor, ti zv.ministër, ti shoferi im, ai do të jetë kryetar bashkie, ai drejtor policie”, etj. Duke mos patur punë tjetër, veç sharjeve dhe akuzave të cilat u printohen çdo njërit prej tyre, “ministrat” nuk mërziten, edhe pse e dinë se kjo gjë, do të hajë gjatë./tema
Lajme të tjera
-
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Sot protesta e opozitës/ Zbardhet ‘skenari’, PD do bllokojë rrugët, policia: Është vepër penale, do ketë pasoja! Do jetë dhe Berisha
23 Dhjetor, 07:51 -
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
11 Maji/ Berisha bën gati alibinë: Rama s’bën zgjedhje, por fasadë
22 Dhjetor, 15:24 -
Mbyllja e Tik Tok, Berisha: Edi Rama vendosi ta ndalojë, aksionet e tij kanë rënë në mediat sociale! Do hapet pas zgjedhjeve, vazhdoni postoni
22 Dhjetor, 15:20 -
Në 1995 e quajti spiun i sigurimit të Shtetit dhe bashkëpunëtor i Ramiz Alisë' - Berisha para dhe pas vdekjes së Azemit
22 Dhjetor, 13:59 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58
