POP 5

Lajmet më të lexuara të 5 minutave të fundit

Politikë

Ministri Flamur Noka-Ermonela
Felajt: Pse ta morën burrin peng

Akuzat familjare, fyerjet dhe batuta nuk munguan dje në Parlament ku u përplasën minsitri Noka, deputetja Felaj. PS kundërshtoi rritjen e çmimit të kartave të identitetit dhe pasaportave.
Braçe dje ë Kuvend: Berisha privatizoi atdheun
TIRANE - Seanca e djeshme u përfshi edhe në akuza personale mes ministrit të Brendshmë Falmur Noka dhe deputetes së PS, Ermonela Felajt,kur po diskutohej ratifikimi i kontratës për prodhimin dhe shpërndarjen e kartave të identitetit dhe pasaportave elektronike.

Ai e akuzoi deputeten e PS se ka liruar kriminelë, ndërkohë që burrin e saj e kanë marrë peng për shkak të detyrës që ka bërë. Këto kanë sjellë reagimin e deputeteit Taulant Balla, i cili e ka quajtur ministrin si të paaftë për postin dhe turpin e kësaj qeverie.

Por nuk munguan as batuat mes kryeparlamentares dhe deputetëve të PS, të cilët i vunë në dukje asaj pozat e shumta që i zë revistët që publikohet nga Kuvendi.

REPLIKAT

Felaj: Janë një tufë njerëzish që i çoni sa nga Kuvendi e në institucione të tjera. Këto janë konflikte interesi që po bëni sa nga KLD e sa nga KQZ.

Noka: Kursej zonjën po jo atë që tha zonja. Ti nuk mund të flasësh për konflikte interesi sepse gjithë Berati ta ka bërë gazetë, ta ka shpërndarë në gjithë Beratin, ti ke punuar prokurore, burri polic gjyqësor. Ta kanë marrë peng dikur atë nga disa ish kryetarë bashkish. Sqaroje te i kujt lokal i bëje pazaret. Pronari i lokalit a është kriminel dhe e ke liruara ti dhe pse të është marrë burri peng? Ky është morali moj vajzë. Kur qyetetarët të nxjerrin gazetë e të bëjnë batuta nuk do dilje të flisje këtu.

Topalli: Po pse ç`punë tjetër ka ministri i Brendshëm, mos me ju kap burrat peng moj shegë.

Balla-Jozefinës: Ti Jozefinë ke pasur probleme me pengmarrjen vetë.
Noka: Ti je zoraxhi rrugësh.

Balla: Të të vij turp mo. Ti merru me familjen tënde, burrec.

Braçe-Tpallit: O shpirti lere të flasë atë moj.

Topalli: Kujdes, të tërheq vemendjen. Atë përdore ku të duash. Këtu ka fjalor tjetër.

Braçe: Pse moj dhe “shpirti’ fyerje është.

Lutaj: Zotërinj u ka hyrë vetja në qejf. Për ta konfirmuar këtë po ju them. Kam një revistë që publikon Kuvendi, ka 47 fletë, në 38 faqe është vetëm kryetaja e Kuvendit. Meqë kryetaren e kemi shkodrane, ajo e di mirë se çdo të thotë të hyjë vetja në qejf.

Topalli: Do të nxjerrim ty në kopertinë një herë, zgjidh numrin kur e do, ke për ta shndërritur.

Shkrimi u botua sot në gazetën Shqiptarja.com (26.04.2013)

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

10 Janar, 20:43