TIRANË - 351 shtetas nga Ukraina ndodhen tashmë në vendin tonë që pas nisjes së luftës. Shifrën e konfirmon ministri i Brendshëm, Bledi Çuçi, i cili sot zhvilloi një takim me ambasadorin e Ukrainës në Tiranë, Volodymyr Shkurov.
“Pata sot një takim me ambasadorin e Ukrainës në Tiranë, Volodymyr Shkurov, të cilin e garantova për mbështetjen e Shqipërisë për shtetasit e Ukrainës që kanë ardhur në vendin tonë apo që mund të mbërrijnë në të ardhmen për shkak të luftës. Aktualisht në Shqipëri po qëndrojnë 351 shtetas nga Ukraina, të cilët do të trajtohen me mbrojtje të përkohshme sipas kuadrit të plotë ligjor që ne kemi për azilin duke u vlerësuar rast pas rasti sipas nevojës. Të tjera masa lehtësuese për hyrjen dhe qëndrimin e tyre do të miratojmë në vijim nëse është e nevojshme, për t’ju gjendur pranë atyre që largohen nga konflikti”, shprehet ministri Çuçi.
Në vijim të takimit ai theksoi edhe njëherë qasjen solidare të Shqipërisë për njerëzit që largohen nga vendi i tyre për shkak të konfliktit.
“Shqipëria është një shembull shumë domethënës kur është fjala te solidariteti dhe pritja e njerëzve në nevojë. E dëshmuam këtë edhe së fundi me afganët që strehuam në vendin tonë dhe po kështu do të bashkërendojmë përpjekjet me vende të tjera të BE-së për t’ju gjendur pranë popullit të Ukrainës në këto kohë të vështira”, shprehet Ministri i Brendshëm.
Njëri prej tyre është Ivan Shevchenko. Inxhinieri bërthamor është larguar nga Kievi dhe tashmë ndodhet në Vlorë bashkë me prindërit dhe dajën.
"Kemi udhëtuar nga data 5 deri më 10 mars tani më duhet të gjej një punë dhe të siguroj të ardhura. Dua të falenderoj shqiptarët, miqtë e mi vlonjat që i kam njohur gjatë pushimeve të viteve të shkuara", tha ai.
Ai thotë se ka qenë insistimi i nënës së tij për t'u larguar nga vatra e luftës, dhe po kërkon punë në qytetin bregdetar.
"Unë punoj në Ukraine, jam inxhinier bërthamor. Mamaja ime është sipërmarrëse, dhe daja gjithashtu. Shokët e mi janë në Kiev edhe unë doja të qëndroja, por nëna ime nuk largohej pa mua. Situata është mjafton e vështirë, shtëpi të shkatërruar e njerëz që humbasin jetën çdo ditë", tha ai.
Shtetasit e Ukrainës që largohen nga vendi i tyre mund të hyjnë në Shqipëri pa vizë dhe të qëndrojnë për një periudhë 1-vjeçare pa qenë nevoja të pajisen me leje qëndrimi.
Lajme të tjera
-
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Përdorimi i raketave të avancuara nga Rusia, sinjal për Perëndimin
22 Nëntor, 07:40 -
VIDEO/ Zëdhënëses ruse i bie telefoni në konferencë: Mos fol për sulmin me raketë balistike ndërkontinentale ndaj Ukrainës
21 Nëntor, 15:53 -
Alban Daci: Ku po shkon konflikti në Ukrainë?
21 Nëntor, 15:34
-
Lufta në Ukrainë/ Putin: Me raketat perëndimore konflikti është global
21 Nëntor, 13:54 -
U mbyll pas sinjaleve për sulme ajrore, rihapet ambasada amerikane në Kiev: Qytetarët të qëndrojnë vigjilentë
21 Nëntor, 07:36 -
Reuters: Burime brenda Kremlinit thonë se Putin është i gatshëm të ulet në tryezë me Trump për Ukrainën
20 Nëntor, 18:29
