Ministri i jashtëm grek në Washington për shpimet në det nga ana e Turqisë

Ministri i jashtëm grek Nikos Dendias  ka shkuar në Uashington për një takim të shkurtër me Sekretarin e Shtetit të SHBA, Mike Pompeo, por me një mesazh mjaft të qartë, ai dëshiron që Shtetet e Bashkuara të ndërmarrin veprime kundër Turqisë e cila ka nisur shpime në det në kërkim të fushave të mundshme me gaz dhe naftë.

Ankaraja tha se masat ndëshkuese tashmë të miratuara nga Bashkimi Evropian nuk i pengojnë ata të shpojnë në Mesdheun lindor.

Ministri grek se një nga qëllimet e tij kryesore gjatë vizitës së tij ishte të shpjegonte shkeljet nga ana e Turqisë të së drejtës ndërkombëtare kufitare.

Turqia kundërshton deklaratat e BE dhe Greqisë të cilat e kanë përcaktuar jolegjitim veprimet turke në kërkim të hidrokarbureve në Mesdheun Lindor jashtë Qipros, duke e akuzuar Brukselin se nuk është në gjendje të "marrë rolin e ndërmjetësit të paanshëm" në këtë mosmarrëveshje.

Ministria e Jashtme e Ankarasë ka thënë se  “anija e shpimit Fatih  ka filluar aktivitetin e saj në perëndim të ishullit që në fillim të muajit maj” dhe ka konfirmuar se “operacionet e shpim kërkimit do të vazhdojnë edhe me një anije të dytë”

Nikosia nga ana e saj ka njoftuar për “shkelje të zonës së saj ekskluzive ekonomike”, ndërsa Ankara pretendon të operojë brenda shelfit të saj kontinental dhe të mbrojë të drejtat e komunitetit turko qipriot në veri të ishullit.

TAG:
• mike pompeo
• ankara
• Nikosia
• Nikos Dendias